Himachal Election Result Live Update : हिमाचल प्रदेश विधानसभा निवडणुकीचे निकाल जसजसे समोर येत आहेत, तसतसे सत्तेचे गणित बिघडताना दिसत आहे. सुरुवातीच्या ट्रेंडमध्ये सत्ताधारी भारतीय जनता पक्षाला मागे टाकत काँग्रेस आघाडीवर आहे. ताज्या माहितीनुसार काँग्रेस 35, भाजप 31 आणि अपक्ष 2 जागांवर आघाडीवर आहेत.
या ट्रेंडचा परिणाम भाजपवर स्पष्टपणे दिसून येत आहे. त्यामुळे पक्षात गोंधळ सुरू झाला आहे. परिस्थितीवर लक्ष ठेवण्यासाठी पक्षाने राष्ट्रीय सरचिटणीस विनोद तावडे यांना शिमल्यात पाठवल्याची माहिती सूत्रांनी दिली आहे. विनोद तावडे हे संघटनेचे तगडे नेते मानले जातात. विनोद तावडे हे महाराष्ट्राचे असून पक्षाच्या नेतृत्वाने त्यांना बिहारचे प्रभारी बनवले आहे. तावडे हे एक कुशल संघटक आणि कुशल प्रशासक मानले जातात. विनोद तावडे यांनी 2014 ची महाराष्ट्र विधानसभेची निवडणूक बोरिवलीतून लढली आणि जिंकली. पहिल्या विजयातच ते महाराष्ट्राच्या मंत्रिमंडळातही सामील झाले.
हिमाचल प्रदेशात विधानसभेच्या 68 जागांसाठी 12 नोव्हेंबरला एकाच टप्प्यात मतदान झाले. येथे मुख्य लढत काँग्रेस आणि सत्ताधारी भाजपमध्ये आहे. आम आदमी पक्षानेही याठिकाणी प्रवेश करण्याचा प्रयत्न केला, मात्र त्यात यश आले नाही. सध्या तरी काँग्रेसने आघाडी घेतल्याचे दिसत आहे. काही वेळेआधी येथे भाजपला आघाडी होती. या राज्यात काँग्रेस जोरदार टक्कर देताना दिसत आहे. त्यामुळे सत्ताधारी भारतीय जनता पार्टीच्या नेत्यांत अस्वस्थता वाढली आहे. पक्ष नेतृत्वाचे येथील घडामोडींवर बारकाईने लक्ष आहे. तसेही राज्यातील जनतेने सलग दोन निवडणुकांत कोणत्याही एका पक्षाला विजयी केलेले नाही. दर पाच वर्षांनी येथे आलटून पालटून पक्ष सत्तेत येत असतात. यंदा जर भाजपने विजय मिळवला तरी ही परंपरा खंडीत होईल. मात्र, सध्याच्या परिस्थितीत असे म्हणणे धाडसाचे ठरेल.
वाच : Himachal Election Result LIVE Update : वारे फिरले..! काँग्रेसने घेतली मोठ्ठी आघाडी; पहा, भाजप कुठे ?
