Health tips । शरीरात दिसणाऱ्या प्रत्येक बदलाकडे लक्ष देणे गरजेचे आहे. जर तुम्ही याकडे लक्ष दिले नाही तर तुम्हाला खूप मोठा फटका बसू शकतो. अनेकदा यामुळे तुमचा जीवही धोक्यात शकतो.
जास्त साखरेचे सेवन केले तर तोंडाच्या आरोग्यावरही विपरीत परिणाम होतो. शरीरात होत असलेल्या काही बदलांच्या लक्षणांकडे लक्ष देणे खूप आवश्यक आहे, जेणेकरून आहारात साखरेचा वापर मर्यादित प्रमाणात करता येईल.
दिसू लागतात ही लक्षणे
जळजळ
साखरेचे जास्त सेवन केले तर जळजळ वाढू शकते. विशेषत: तुमच्या पायाची सूज वाढू लागते, ज्यामुळे व्यक्तीला कधी-कधी चालताना त्रास होतो, यासोबतच वेदनाही वाढतात. अशी लक्षणे दिसली तर आहारातील साखर कमी करा.
तोंडाचे आरोग्य
जास्त साखर दात किडणे, पोकळी आणि हिरड्यांचे आजार होण्याचा धोका वाढवत असून यामुळे तोंड सडणे, दातदुखी किंवा पोकळी यांसारखी लक्षणे जाणवत असली तरी साखरेचे सेवन कमी करावे.
स्वभावाच्या लहरी
जास्त साखर खाल्ली तर रक्तातील साखरेच्या पातळीवर परिणाम होऊ लागतो, ज्यामुळे मूड बदलतो आणि चिडचिड होऊ शकते. जर तुम्हाला विनाकारण जास्त अस्वस्थ किंवा चिडचिड होत असेल किंवा तुम्हाला छोट्या छोट्या गोष्टींचा राग येत असल्यास याचा अर्थ तुम्ही जास्त साखरेचे सेवन करत आहात.
पोट फुगण्याची समस्या
जर तुम्हाला सतत पोट फुगण्याची समस्या येत असेल किंवा फुगण्याची तक्रार असल्यास त्याचे एक कारण म्हणजे तुम्ही जास्त साखर खाता. अतिरिक्त साखर पचण्यास त्रास होत असल्यास फुगणे आणि गॅसची समस्या उद्भवते.
सुरकुत्या
जास्त साखर खाल्ली तर त्याचा परिणाम चेहऱ्यावरही दिसू लागतो. साखर कोलेजन आणि इलास्टिनच्या गुणवत्तेवर परिणाम करते, ज्यामुळे त्वचेवर अकाली वृद्धत्व दिसते. कोलेजन आणि इलास्टिनच्या कमतरतेमुळे चेहऱ्यावर पिंपल्स, सुरकुत्या इत्यादी वाढतात, यासोबतच त्वचाही कोरडी होते.
