युरोप-आफ्रिकेतील आजाराने वाढले टेन्शन; केंद्र सरकारने घेतला ‘हा’ मोठा निर्णय; जाणून घ्या..
दिल्ली – परदेशात मंकीपॉक्सच्या (Monkeypox) रुग्णांमध्ये वेगाने वाढ झाल्यानंतर केंद्र सरकारही सतर्क झाले आहे. केंद्र सरकारने शुक्रवारी विमानतळ, बंदरे अशा सर्व आंतरराष्ट्रीय प्रवेश केंद्रांवर लक्ष ठेवण्यास सुरूवात केली आहे. दक्षिण आफ्रिकेचा (South Africa) प्रवास केल्यानंतर भारतात (India) आलेल्या प्रवाशांचे नमुने पुण्यातील नॅशनल इन्स्टिट्यूट ऑफ व्हायरोलॉजी (NIV) येथे तपासणीसाठी पाठवले जातील, असे सांगण्यात आले.
वृत्तसंस्था एएनआयने एका अधिकार्‍याचा हवाला देत म्हटले आहे की, ‘ज्यावेळी लोकांमध्ये काही विशिष्ट प्रकारची लक्षणे दिसतील अशाच बाबतीत नमुने तपासणीसाठी पाठवण्यात येतील. माहितीनुसार, केंद्राने नॅशनल सेंटर फॉर डिसीज कंट्रोल (NCDC) आणि इंडियन कौन्सिल ऑफ मेडिकल रिसर्च (ICMR) यांना युरोप (Europe) आणि इतरत्र आढळलेल्या मंकीपॉक्स प्रकरणांवर बारीक लक्ष ठेवण्यास सांगितले आहे.
मंकीपॉक्स, आफ्रिकेपर्यंत मर्यादित असलेला विषाणूजन्य रोग, आता युरोपमध्ये पसरत चालला आहे. स्पेनमध्ये (Spain) गुरुवारी सात प्रकरणांची खात्री झाली, तर पोर्तुगालची संख्या 14 वर पोहोचली. स्पेनमध्ये आतापर्यंत नोंदलेली सर्व प्रकरणे राजधानी माद्रिदमधील आहेत. मंकीपॉक्सचा संसर्ग अगदी जवळच्या संपर्कात असलेल्या व्यक्तीपासून दुसऱ्या व्यक्तीपर्यंत पसरू शकतो. तसेच, या आजाराचा धोका असलेल्या व्यक्तीने वापरलेले कपड्यांद्वारेही संसर्ग पसरू शकतो.
मंकीपॉक्स हा दुर्मिळ विषाणूजन्य संसर्ग आहे. 1958 मध्ये संशोधनासाठी ठेवण्यात आलेल्या माकडांमध्ये हे पहिल्यांदा आढळून आले. मंकीपॉक्सच्या संसर्गाची पहिली घटना 1970 मध्ये नोंदवली गेली. हा रोग प्रामुख्याने मध्य आणि पश्चिम आफ्रिकेच्या काही भागात आढळतो आणि अधूनमधून उर्वरित प्रदेशात पोहोचतो. वर्ल्ड हेल्थ ऑर्गनायझेशन (World Health Organisation) नुसार, मंकीपॉक्समध्ये सामान्यतः ताप, पुरळ अशी लक्षणे दिसतात. सहसा दोन ते चार आठवड्यांपर्यंत ही लक्षणे दिसतात, जी स्वतःच निघून जातात. प्रकरणे गंभीर देखील होऊ शकतात. अलीकडच्या काळात, मृत्यूचे प्रमाण सुमारे 3-6 टक्के आहे, परंतु ते 10 टक्क्यांपर्यंत जास्त असू शकते.
अर्र.. कोरोना नंतर मंकीपॉक्सने वाढवली जगाची धाकधूक; WHO ने घेतला मोठा निर्णय