Please wait..
Take a fresh look at your lifestyle.

कोरोना अपडेट : देशात सलग तिसऱ्या दिवशी सापडलेत ‘इतके’ रुग्ण.. पहा, काय आहे कोरोना परिस्थिती..

दिल्ली : देशात कोरोनाच्या प्रकरणांमध्ये घट झाली आहे. गेल्या 24 तासांत येथे कोरोना संसर्गाचे 2,541 नवीन रुग्ण आढळले आहेत.  आरोग्य मंत्रालयाने (Health Ministry) सांगितले की, या काळात देशात कोरोनामुळे 30 जणांचा मृत्यू झाला आहे. हा सलग तिसरा दिवस आहे जेव्हा कोरोनाची एकूण प्रकरणे अडीच हजारांहून अधिक आहेत. याआधी 22 एप्रिल रोजी 2,527 आणि 23 एप्रिल रोजी 2,593 प्रकरणे नोंदली गेली होती. आरोग्य मंत्रालयाने सांगितले की, गेल्या 24 तासांत 1,862 कोरोना रुग्णांना डिस्चार्ज (Discharge) देण्यात आला आहे. आता देशातील अॅक्टिव्ह रुग्णांची संख्या 16,522 झाली आहे.

Advertisement

राजधानी दिल्लीत कोरोनाचे सर्वाधिक रुग्ण आढळले आहेत. दिल्लीत सलग तिसऱ्या दिवशी कोरोनाचे एक हजाराहून अधिक रुग्ण आढळले आहेत. काल दिल्लीत कोरोनाचे एकूण 1,083 नवीन रुग्ण आढळले होते. या दरम्यान एका रुग्णाचा मृत्यूही झाला आहे. दिल्लीत गेल्या 5 दिवसांपासून कोरोनामुळे मृत्यूची नोंद होत आहे.

Advertisement

दुसरीकडे, उत्तर प्रदेशात गेल्या 24 तासांत कोरोनाचे 213 नवीन रुग्ण आढळले आहेत. याशिवाय 133 रुग्ण बरे झाले आहेत. राज्यात अॅक्टिव्ह प्रकरणांची संख्या 1199 वर पोहोचली आहे. नोएडामध्ये कोरोनाचे सर्वाधिक 98 रुग्ण आढळले आहेत. त्याच वेळी, गाझियाबादमध्ये 56 प्रकरणे आढळली आहेत.

Loading...
Advertisement

दरम्यान, देशातील 5 राज्यांमध्ये कोरोनाच्या वाढत्या रुग्णांवर केंद्र सरकारने चिंता व्यक्त केली आहे. या राज्यांना पत्र लिहून केंद्राने या राज्यांच्या कोरोना प्रकरणावर नियंत्रण कसे ठेवायचे हे सांगितले आहे. केंद्राने या राज्यांना सांगितले आहे की, गेल्या काही दिवसांत कोरोना संसर्गाची प्रकरणे (Corona Patient) आणि सकारात्मकतेत (Positivity Rate) वाढ होत आहे. त्यामुळे या राज्यांनी तातडीने पावले उचलण्याची गरज आहे. चाचणी, ट्रॅक, उपचार आणि लसीकरणात वाढ (Increase in Vaccination) करण्याची गरज असल्याचे मोदी सरकारने पत्रात म्हटले आहे. केंद्राने या राज्यांना या प्रकरणावर बारकाईने लक्ष ठेवण्यास सांगितले आहे आणि एखाद्या विशिष्ट क्षेत्रात प्रकरणे वाढताच तेथे आवश्यक पावले उचलावीत, असेही म्हटले आहे.

Advertisement

कोरोना अपडेट : राष्ट्रीय राजधानीत पुन्हा वाढले टेन्शन.. एकाच दिवसात सापडले ‘इतके’ नवे रुग्ण

Advertisement
Advertisement

Leave a Reply