पर्यावरण धोक्यात..! भारतालाही मिळालाय ‘हा’ धोक्याचा इशारा; पहा, काय म्हटलेय ‘त्या’ अहवालात..
दिल्ली : हवामान बदलावरील नवीन IPCC अहवालात भारताबाबत काळजी करण्यासारखी परिस्थिती भविष्यात राहणार असल्याचे म्हटले आहे. पर्यावरणास धोकादायक कार्बन उत्सर्जन कमी न झाल्यास देशात लवकरच राहण्यायोग्य परिस्थिती राहणार नाही, असे अहवालात म्हटले आहे. आयपीसीसीने सोमवारी सहाव्या मूल्यांकन अहवालाचा दुसरा भाग प्रसिद्ध केला.
यामध्ये समितीने प्रथमच वेगवेगळ्या प्रांतांसाठी स्वतंत्र आढावा जारी केला आहे. या अहवालात म्हटले आहे की, समुद्र पातळी वाढल्याने प्रभावित होणाऱ्या लोकसंख्येच्या बाबतीत भारत हा जगातील हवामान बदलासाठी सर्वात असुरक्षित देशांपैकी एक आहे. अहवालानुसार, “जर उत्सर्जन लवकर दूर केले नाही, तर जागतिक उष्णता आणि आर्द्रता माणसे सहन करू शकणार नाहीत अशी परिस्थिती निर्माण होईल.”
अशी परिस्थिती निर्माण होणार्‍या देशांपैकी भारत एक आहे. शहरांना विशेषतः मुंबईसारख्या शहरांना धोका राहणार आहे. गुजरात राज्यातील अहमदाबाद मध्येही उष्णता प्रचंड वाढणार असल्याचे या अहवालात म्हटले आहे. चेन्नई, भुवनेश्वर, लखनऊ आणि पाटणा सारखी शहरे देखील उष्णता आणि आर्द्रतेच्या धोकादायक पातळीकडे जात आहेत. शहरांमध्ये उष्णतेच्या लाटेसारखी तीव्र उष्णतेची स्थिती वाढली असून त्यामुळे वायू प्रदूषणातही वाढ झाल्याचे या अहवालात म्हटले आहे. वीज, पाणी, वाहतूक या महत्त्वाच्या पायाभूत सुविधांवरही परिणाम झाला आहे.
IPCC नुसार, देशातील बहुतांश भागात ते 25-30 अंश सेल्सिअस दरम्यान राहते. तापमान 31 अंश सेल्सिअसपेक्षा जास्त असेल. आणि उत्सर्जन वाढतच राहिले तर देशातील अनेक भागात तापमान 35 डिग्री सेल्सिअसच्या जवळ पोहोचेल, ज्यामधून बाहेर पडणे कठीण आहे. 195 देशांच्या आयपीसीसी समितीच्या मते, एकूण वैज्ञानिक पुरावे पूर्णपणे स्पष्ट आहेत की हवामान बदल हा माणसे आणि पृथ्वीच्या आरोग्यासाठी धोकादायक आहे. जगभरात ही धोकादायक परिस्थिती निर्माण होऊ द्यायची नसेल, कोणत्याही परिस्थितीत कार्बन उत्सर्जन करावेच लागणार असल्याचे समितीने अहवालात म्हटले आहे.
अर्र.. या वर्षातही कायम राहणार ‘हे’ संकट..! आम आदमीला दिलासा नाहीच; पहा, काय आहे अंदाज..?