Corona Update : कोरोना रुग्णांबाबत नवी माहिती आलीय समोर; पहा, 24 तासांत रुग्ण वाढले की घटले..?

मुंबई : गेल्या 24 तासांत देशभरात कोरोनाचे एकूण 30 हजार 615 नवीन रुग्ण आढळून आले आहेत, जे कालच्या तुलनेत 11.7 टक्क्यांनी अधिक आहे. यासह, देशात आतापर्यंत कोविड बाधितांची एकूण संख्या 4 कोटी 27 लाख, 23 हजार 558 झाली आहे. गेल्या 24 तासांत देशभरात कोविडमुळे एकूण 514 लोकांचा मृत्यू झाला आहे. आतापर्यंत देशात कोविडमुळे एकूण 5 लाख 9 हजार 872 लोकांचा मृत्यू झाला आहे. केंद्रीय आरोग्य मंत्रालयाच्या आकडेवारीनुसार, देशभरातील अॅक्टिव्ह रुग्णांची संख्या आता 3,70,240 वर आली आहे. एकूण संसर्गाच्या 0.87 टक्के अॅक्टिव्ह प्रकरणे राहिले आहेत.

गेल्या 24 तासांत देशभरात एकूण 52 हजार 887 रुग्ण बरे झाले असून, ही संख्या नवीन रुग्णांच्या दीडपट आहे. देशभरात आतापर्यंत एकूण 4 कोटी, 18 लाख, 43 हजार, 446 जणांनी या आजारावर मात केली आहे. देशव्यापी लसीकरण मोहिमेअंतर्गत आतापर्यंत सुमारे 173 कोटी अँटी-कोरोना व्हायरस लसींचे डोस (corona vaccination) देण्यात आले आहेत. काल 41 लाख 54 हजार 476 डोस देण्यात आले, त्यानंतर आतापर्यंत 173 कोटी 86 लाख 81 हजार 476 डोस लसीचे डोस देण्यात आले आहेत.

दक्षिणेकडील केरळ राज्यात अजूनही मोठ्या संख्येने कोरोनाची प्रकरणे समोर येत आहेत. येथे प्रकरणे 10,000 च्या खाली गेल्यानंतर, मंगळवारी 11,776 नवीन प्रकरणांची नोंद होऊन दररोजच्या प्रकरणांमध्ये अंशतः वाढ झाली. त्यामुळे राज्यात आतापर्यंत एकूण कोरोना बाधितांची संख्या 64,28,148 झाली आहे. मंगळवारी राज्यात कोविडमुळे 304 जणांचा मृत्यू झाला असून, या साथीने एकूण मृत्यूंची संख्या 62,681 झाली आहे. केरळमधील रूग्णालयातून सोमवारी 32,027 लोकांना डिस्चार्ज मिळाल्याने राज्यातील एकूण संसर्गमुक्त लोकांची संख्या 62,40,864 झाली आहे.

दुसरीकडे, काल कोरोनाचे 27 हजार 409 नवीन रुग्ण आढळले. यासह, कालपर्यंत देशातील कोविड रुग्णांची एकूण संख्या 4 कोटी 26 लाख 65 हजार 534 झाली आहे. त्याचवेळी 347 लोकांचा कोरोनामुळे मृत्यू झाला आहे. यापूर्वी 31 डिसेंबर 2021 रोजी देशात कोविडची 22,775 नवीन प्रकरणे नोंदवण्यात आली होती आणि 1 जानेवारी 2022 रोजी 27,553 नवीन प्रकरणे नोंदवण्यात आली होती.

अर्र.. ‘तिथे’ कोरोना अजूनही आऊट ऑफ कंट्रोल.. पहा, WHO ने काय दिलाय गंभीर इशारा..?