Take a fresh look at your lifestyle.

आरोग्य मंत्र : या उपायांचा वापर करून मूत्रमार्गातील संसर्गापासून राहा सुरक्षित

मुंबई : सर्व प्रकारचे टाकाऊ पदार्थ शरीरातून लघवीद्वारे बाहेर पडतात. शरीर निरोगी ठेवण्यासाठी ही प्रक्रिया व्यवस्थित चालू ठेवणे आवश्यक मानले जाते. मूत्रमार्गात संसर्ग (यूटीआय) हा तुमच्या मूत्र प्रणालीच्या कोणत्याही भागात होणारा संसर्ग आहे. ज्यामुळे विविध प्रकारच्या गंभीर समस्या उद्भवू शकतात. यूटीआय संसर्ग मूत्रमार्गाशी संबंधित अवयवांमध्ये होऊ शकतो. जसे की मूत्रपिंड, मूत्रमार्ग किंवा मूत्राशय. याचे वेळीच निदान आणि उपचार न केल्यास अनेकांना किडनी निकामी होऊ शकते.

Advertisement

आरोग्य तज्ज्ञांच्या मते, पुरुषांपेक्षा महिलांना यूटीआयचा धोका जास्त असतो. डॉक्टर सामान्यतः प्रतिजैविकांनी संसर्गाचा उपचार करतात. या लेखात आम्ही तुम्हाला अशा उपायांबद्दल सांगणार आहोत ज्याचा उपयोग केवळ UTI पासून सुरक्षित राहण्यासाठी केला जाऊ शकतो असे नाही तर UTI रुग्णांच्या जलद बरे होण्यासाठी देखील ते उपयुक्त मानले जातात.

Advertisement

व्हिटॅमिन `सी`चे सेवन वाढवा : आरोग्य तज्ञ सांगतात की आहारात व्हिटॅमिन-`सी`चे प्रमाण वाढवून मूत्रमार्गाच्या संसर्गास प्रतिबंध केला जाऊ शकतो. व्हिटॅमिन-सी लघवीची आम्लता वाढवते. ज्यामुळे संसर्गास कारणीभूत असलेले बॅक्टेरिया नष्ट होतात. 2007 मध्ये गरोदर महिलांमध्ये UTI बाबत केलेल्या एका अभ्यासात असे सूचित होते की दररोज 100 मिलीग्राम व्हिटॅमिन-सीचे सेवन करणे फायदेशीर ठरू शकते.

Advertisement

प्रोबायोटिक्सचे सेवन फायदेशीर : ज्या लोकांना मूत्रमार्गाच्या संसर्गाची समस्या आहे त्यांना आहारात प्रोबायोटिक्सचा समावेश करून फायदे मिळू शकतात. प्रोबायोटिक्स हे आतड्यांतील बॅक्टेरियांचे निरोगी संतुलन राखण्यासाठी ओळखले जाते. दह्याचे सेवन प्रोबायोटिक्ससाठी सर्वात फायदेशीर मानले जाते. एका अभ्यासात असे दिसून आले आहे की लैक्टोबॅसिलस, एक सामान्य प्रोबायोटिक स्ट्रेन, प्रौढ महिलांमध्ये यूटीआय टाळण्यासाठी मदत करू शकते.

Advertisement

लसूण अर्क फायदेशीर : संशोधनात असे दिसून आले आहे की लसूण आणि लसूण अर्कांमध्ये प्रतिजैविक गुणधर्म असतात जे UTIs आणि त्यांना कारणीभूत असलेल्या जीवाणूंच्या वाढीस प्रतिबंध करण्यास मदत करतात. आहारात लसणाचे प्रमाण वाढवून यूटीआयसह इतर अनेक प्रकारचे संसर्ग टाळता येऊ शकतात.

Advertisement

जास्त पाणी प्या : हायड्रेशन स्थिती मूत्रमार्गाच्या संसर्गाच्या वाढत्या जोखमीशी जोडली गेली आहे. तज्ज्ञांच्या मते, लघवीद्वारे बॅक्टेरिया मूत्रमार्गातून बाहेर पडतात. त्यामुळे भरपूर पाणी पिणे तुमच्यासाठी फायदेशीर ठरू शकते. 2003 मध्ये 141 मुलींवर केलेल्या अभ्यासात असे आढळून आले की कमी द्रवपदार्थ, विशेषत: पाणी यूटीआयचा धोका वाढवू शकतो.

Advertisement
Advertisement

Leave a Reply