Gujarat Elections : नवी दिल्ली : गुजरात विधानसभा निवडणुकीसाठी (Gujarat Elections) आम आदमी पक्षाने आपला मुख्यमंत्री चेहरा जाहीर केला आहे. यानंतर मात्र पक्ष बदलाचा क्रम सुरू झाला आहे. खरे तर शुक्रवारी ज्येष्ठ नेते इंद्रनील राजगुरू यांनी पुन्हा एकदा पलटवार केला आहे. त्यांनी आम आदमी पार्टी सोडून काँग्रेसमध्ये (Congress) प्रवेश केला. आम आदमी पक्षात येण्यापूर्वी ते काँग्रेसमध्ये होते. ते ‘आप’मध्ये राष्ट्रीय सहसचिव होते. त्यांचे पक्षात स्वागत करताना काँग्रेसचे गुजरात प्रभारी रघु शर्मा म्हणाले, इंद्रनील राजगुरू (Indranil Rajguru) एका विचारसरणीचे होते आणि आज ते पुन्हा त्याच विचारधारेने काम करण्यासाठी काँग्रेस परिवारात सामील होत आहेत.
राजगुरू म्हणाले, मला नेहमीच वाटत होते की भाजप (BJP) हा देशासाठी वाईट पक्ष आहे आणि गुजरातमध्ये त्याचा पराभव करणे आवश्यक आहे. म्हणूनच त्यांचा पराभव करण्यासाठी मी ‘आप’मध्ये गेलो होतो. पण त्याचा फायदा झाला नाही. दुसरीकडे, राजगुरु यांनी पक्ष सोडल्यानंतर लगेचच आम आदमी पक्षाचे (Aam Aadmi Party) प्रदेशाध्यक्ष गोपाल इटालिया यांनी त्यांच्यावर जोरदार टीका केली आहे. पक्षात तिकिटासाठी सौदेबाजी करत असल्याचे त्यांनी सांगितले. 15 विधानसभा जागांसाठी आपल्या आवडीचे उमेदवार हवे असण्याबरोबरच मुख्यमंत्रीपदासाठी स्वत:चा चेहरा घोषित करण्याची मागणीही ते करत होते. पण आम आदमी पार्टी हा जनतेचा पक्ष आहे. जनतेची इच्छा पूर्ण करणे हे कर्तव्य आहे.
आम आदमी पार्टीने (AAP) शुक्रवारी गुजरातमध्ये मुख्यमंत्रिपदासाठी उमेदवार म्हणून इसुदान गढवी यांची घोषणा केली. राष्ट्रीय संयोजक अरविंद केजरीवाल (Arvind Kejriwal) यांनी आज सांगितले की, गुजरात विधानसभा निवडणुकीसाठी आम आदमी पक्षाने इसुदान गढवी यांना मुख्यमंत्रिपदाचे उमेदवार म्हणून उभे केले आहे. गुजरातमधील 182 विधानसभा जागांपैकी पहिल्या टप्प्यात 89 जागांसाठी 1 डिसेंबरला आणि उर्वरित 93 जागांसाठी 5 डिसेंबरला मतदान होणार आहे. 8 डिसेंबर रोजी मतमोजणी होणार आहे.
दरम्यान, निवडणुकीआधीच नेते पक्ष सोडून जाण्यास सुरुवात झाली असून त्यामुळे आम आदमी पार्टीला झटका बसला आहे. यानंतर आणखी काय घडामोडी घडतात हे पाहणे महत्वाचे ठरणार आहे.
वाचा : Maharashtra Politics : ‘त्या’ मुद्द्यावर काँग्रेसचे शिंदे सरकारला पत्र; पहा, काय केली सरकारकडे मागणी
Ahmednagar News: बाब्बो.. 10 बाय 10 च्या खोलीसाठी 1 लाखांची पाणीपट्टी..! मनपाचा अजब कारभार
