Gautam Gambhir : आगामी लोकसभा निवडणुकीसाठी शनिवारी (Lok Sabha Election) भारतीय जनता पार्टीने 195 उमेदवारांची पहिली यादी जाहीर केली. यामध्ये अनेक मंत्र्यांना पुन्हा तिकीट दिले आहे. तर काही नवीन चेहऱ्यांना संधी देण्यात आली आहे. मात्र ही यादी जाहीर होण्याआधीच माजी क्रिकेटपटू तथा विद्यमान खासदार गौतम गंभीर (Gautam Gambhir) राजकारणापासून दूर राहण्याचा निर्णय जाहीर केला. सोशल मीडियावर पोस्ट करत राजकीय जबाबदारीतून मुक्त होत असल्याचे सांगितले. गंभीरने पक्षाध्यक्ष जेपी नड्डा यांना (JP Nadda) त्यांच्या कर्तव्यातून मुक्त करण्याचे आवाहन केले आहे. त्यांनी पंतप्रधान नरेंद्र मोदी (PM Narendra Modi) आणि अमित शहा यांचेही (Amit Shah) आभार मानले. गंभीर पूर्व दिल्लीतून लोकसभा खासदार आहेत. यावेळी तो सार्वत्रिक निवडणूक लढणार नसल्याचे त्याच्या पोस्टवरून स्पष्ट झाले आहे.
गंभीरने पोस्ट करत करत लिहिले की ‘मी पक्षाचे माननीय अध्यक्ष जेपी नड्डा यांना माझ्या राजकीय कर्तव्यातून मुक्त करण्याची विनंती केली आहे जेणेकरून मी माझ्या क्रिकेटवर लक्ष केंद्रित करू शकेन. मला जनतेची सेवा करण्याची संधी दिल्याबद्दल मी पंतप्रधान नरेंद्र मोदी आणि गृहमंत्री अमित शहा यांचे मनापासून आभार मानतो. जय हिंद!’ गौतम गंभीरला 2008 मध्ये भारत सरकारने अर्जुन पुरस्काराने सन्मानित केले होते. त्याचवेळी 2019 मध्ये त्याला पद्मश्री पुरस्काराने सन्मानित करण्यात आले.
Gautam Gambhir । सर्वात मोठी बातमी! लोकसभा निवडणुकीपूर्वी गौतम गंभीरने घेतला राजकारणातून संन्यास
Gautam Gambhir
गंभीरची राजकीय कारकीर्द
गंभीरची राजकीय कारकीर्द जवळपास पाच वर्षांची आहे. 22 मार्च 2019 रोजी केंद्रीय मंत्री अरुण जेटली आणि रविशंकर प्रसाद यांच्या उपस्थितीत भारतीय जनता पक्षात (भाजप) प्रवेश केला. 2019 च्या लोकसभा निवडणुकीत गंभीरला 6 लाख 96 हजार 158 मते मिळाली. त्याने पूर्व दिल्ली मतदारसंघातून काँग्रेस नेते अरविंदर सिंग लवली आणि आम आदमी पार्टीच्या आतिशी मार्लेना यांचा पराभव केला. लवली यांना ३ लाथ 04,934 आणि आतिशी यांना 2 लाख 19 हजार 328 मते मिळाली.
Gautam Gambhir
गरीब आणि अनाथ मुलांना आर्थिक मदत देऊन त्यांचे भविष्य सुधारण्यासाठी गंभीरने ‘गौतम गंभीर फाऊंडेशन’ नावाची एनजीओ देखील स्थापन केली. याशिवाय सुकमा येथील नक्षलवादी हल्ल्यात शहीद झालेल्या जवानांच्या मुलांच्या शिक्षणाचा खर्च तो उचलतो. याशिवाय गरिबांना एक रुपयात अन्नदान करण्यात येते. जनरसोईमध्ये ज्यांच्याकडे अन्न विकत घेण्यासाठी पैसे नाहीत ते एक रुपयात पोटभर जेवू शकतात. गंभीरने आतापर्यंत पाच स्वयंपाकघरे सुरू केली आहेत. मात्र, पाच वर्षांतच त्याचा राजकारणातून भ्रमनिरास झाला आहे. आता त्याला पुन्हा क्रिकेटकडे वळायचे आहे. गंभीरची नुकतीच कोलकाता संघाचा मेंटर म्हणून नियुक्ती करण्यात आली होती. यापूर्वी तो लखनौ संघाचा मार्गदर्शक होता.
Lok Sabha Election 2024 : कुणाला मिळालं तिकीट, कुणाचा पत्ता कट? ‘या’ दिग्गजांची उमेदवारी निश्चित
गंभीरच्या कारकिर्दीत दोन विश्वचषक जिंकले
गंभीर हा भारतीय क्रिकेटमधील सर्वोत्तम सलामीवीर मानला जातो. भारताच्या दोन विश्वचषक विजयात त्याने महत्त्वाची भूमिका बजावली. 2007 मध्ये झालेल्या T20 विश्वचषकात त्याने चमकदार कामगिरी केली होती. फायनलमध्ये पाकिस्तानविरुद्ध 75 धावा केल्या. त्याचबरोबर 2011 च्या एकदिवसीय विश्वचषकाच्या अंतिम फेरीतही गंभीरने आश्चर्यकारक कामगिरी केली होती. त्याने श्रीलंकेविरुद्धच्या अंतिम सामन्यात 97 धावांची संस्मरणीय खेळी खेळली आणि कर्णधार महेंद्रसिंग धोनीसोबत महत्त्वपूर्ण भागीदारी केली.
Gautam Gambhir
गंभीरची क्रिकेट कारकीर्द
गंभीरने भारतासाठी 58 कसोटी, 147 एकदिवसीय आणि 37 टी-20 सामने खेळले आहेत. या कालावधीत त्याने कसोटीत 41.96 च्या सरासरीने 4154 धावा केल्या, ज्यात नऊ शतके आणि 22 अर्धशतकांचा समावेश आहे. त्याची सर्वोच्च धावसंख्या 206 धावा आहे. त्याच वेळी एकदिवसीय सामन्यात त्याने 39.68 च्या सरासरीने 5238 धावा केल्या, ज्यात 11 शतके आणि 34 अर्धशतकांचा समावेश आहे. वनडेमधली त्याची सर्वोच्च धावसंख्या 150 धावा आहे. टी-20 मध्ये गंभीरने सात अर्धशतकांच्या मदतीने 932 धावा केल्या.
