Gas cylinder : गॅस सिलिंडरचे दर प्रत्येक महिन्याला बदलत असतात. सध्या गॅस सिलिंडरच्या किमती गगनाला भिडल्या आहेत. अनेकांना गॅस सिलिंडर खरेदी करणे परवडत नाही. पण तुम्ही आता गॅस सिलिंडर मोफत मिळवू शकता.
कोणाला मिळेल लाभ?
हे लक्षात घ्या की घरामध्ये एलपीजी कनेक्शन नसावे, म्हणजेच तुम्ही आधीच गॅस शेगडी वापरत असाल, तर या अंतर्गत तुम्हाला कोणतीही सवलत किंवा मोफत कनेक्शन किंवा सिलिंडरचा लाभ घेता येणार नाही. कोणतीही सरकारी योजना विशिष्ट वर्ग, लिंग किंवा जातीच्या भल्यासाठी काही सवलतींसह सुरू करण्यात येते. उज्ज्वला योजनेच्या अटींपैकी एक म्हणजे अर्जदाराचे वय किमान १८ वर्षे इतके असावे. तसेच ही योजना केवळ गरिबांसाठी असून त्यासाठी तुमच्याकडे बीपीएल कार्ड असावे लागते.
या योजनेअंतर्गत वर्षभरात 12 सिलिंडर मिळतात. शासनाकडून दिले जाणारे अनुदान पात्र लाभार्थी महिलेच्या बँक खात्यात थेट जमा करण्यात येते. ज्या महिला SC, ST, प्रधानमंत्री आवास योजना (ग्रामीण), सर्वाधिक मागासवर्गीय (MBC), अंत्योदय अन्न योजना (AAY), वनवासी, नदी बेटांवर राहणारे लोक आहेत. SECC कुटुंबे (AHL TIN) किंवा 14-पॉइंट घोषणेनुसार कोणत्याही गरीब कुटुंबाला लाभ घेता येतो.
आवश्यक कागदपत्रे
सरकारच्या या योजनेसाठी केवायसी कागदपत्रे सादर करावी लागतात. जर अर्जदार आधारमध्ये नमूद केलेल्या पत्त्यावर राहत असेल तर ओळखीचा आणि पत्त्याचा पुरावा म्हणून अर्जदाराचे आधार कार्ड द्यावे लागणार आहे. संबंधित राज्याचे रेशन कार्ड, महिलेचा बँक खाते क्रमांक आणि IFSC कोड. कुटुंबाच्या आर्थिक स्थितीला आधार देण्यासाठी KYC आवश्यक आहे. पासपोर्ट आकाराचा फोटो आवश्यक आहे.
या योजनेंतर्गत लाभ घेऊ इच्छिणाऱ्या कोणत्याही महिलेला प्रथम https://www.pmuy.gov.in/ या पत्त्यावर ऑनलाइन लॉग इन करावे लागणार आहे. ही सरकारी वेबसाइट असून याला भेट दिल्यानंतर, उघडलेल्या पृष्ठावर जाऊन, तुम्ही केवळ नवीन कनेक्शनसाठी अर्ज नाही तर त्याच्याशी संबंधित सर्व आवश्यक माहिती मिळवू शकता.
फॉर्म डाऊनलोड करा, तो बरोबर भरून जवळच्या गॅस एजन्सीकडे सबमिट करा. सोबत कागदपत्राची प्रत जोडा. समजा जर तुम्हाला फॉर्म डाऊनलोड करता येत नसल्यास तर तो गॅस एजन्सीकडून घ्या, एकदा सरकारी अधिकाऱ्यांनी या फॉर्मची पडताळणी केली तर कनेक्शन मोफत मिळेल आणि नंतर सिलिंडर सबसिडी मिळेल.
