महागडे टोमॅटो कधी स्वस्त होणार?; मोदी सरकारकडून आले ‘हे’ उत्तर, म्हणाले..
दिल्ली – टोमॅटोच्या भावाने (Tomato price) लोकांच्या जेवणाची चवच बिघडली आहे. देशातील अनेक राज्यांमध्ये टोमॅटोचे किरकोळ भाव 50 ते 106 रुपये किलोपर्यंत आहेत. टोमॅटोच्या वाढत्या किमतींदरम्यान, सरकारने एक निवेदन दिले आहे आणि त्याचे भाव कधी स्थिर होतील हे सांगितले आहे.
पावसामुळे भाव वाढले
केंद्रीय अन्न सचिव सुधांशू पांडे म्हणाले की, दक्षिणेकडील राज्यांमध्ये टोमॅटोच्या किरकोळ किमती पुढील दोन आठवड्यांत स्थिरावल्या पाहिजेत. पावसामुळे पिकांचे मोठ्या प्रमाणात नुकसान झाल्याने दरात मोठी वाढ झाली आहे. ग्राहक व्यवहार मंत्रालयाच्या आकडेवारीनुसार, अनेक ठिकाणी टोमॅटोचे किरकोळ दर 50 ते 106 रुपये प्रतिकिलो दरम्यान आहेत. महाराष्ट्रातही तीच परिस्थिती आहे.
दिल्लीत टोमॅटो 40 रुपये किलो दराने विकला जात असल्याचे आकडेवारी सांगते. दिल्ली वगळता इतर महानगरांमध्ये 2 जून रोजी किरकोळ किमती उच्च पातळीवर होत्या. गुरुवारी मुंबई आणि कोलकात्यात टोमॅटो 77 रुपये किलो तर चेन्नईमध्ये 60 रुपये किलोने विकले गेले.
आपल्या ‘तिच्या’ हातांची काळजी आहे ना..? मग https://bit.ly/34DPYzN यावर क्लिक करून पीजन चॉपर पहा अन आवडला तर भेट द्या किंवा खरेदी करा
दिल्लीत टोमॅटोचे भाव स्थिर असल्याचे पांडे यांनी पत्रकारांना सांगितले. दक्षिण भारतात स्थानिक पावसामुळे पिकांचे नुकसान झाल्याने टोमॅटोचे भाव वाढले आहेत. टोमॅटोचे प्रत्यक्ष उत्पादन व आवक अधिक असल्याचे त्यांनी सांगितले. उत्पादनाच्या बाजूने कोणतीही अडचण नाही. ते म्हणाले की, सरकारने याबाबत राज्यांशी चर्चा केली आहे.
ते म्हणाले की (किमती) येत्या दोन आठवड्यांत स्थिरावल्या पाहिजेत. कांद्याचे उत्पादन आणि खरेदीही गेल्या वर्षीच्या तुलनेत अधिक असल्याचे सचिवांनी नमूद केले. ते म्हणाले की, आम्ही रब्बी हंगामात आतापर्यंत 52,000 टन खरेदी केली आहे, जी गेल्या वर्षीच्या 30,000 टनांपेक्षा खूप जास्त आहे.