डिसेंबर महिन्यात नाताळ आणि नवीन वर्षामुळे बहुतांश ठिकाणी विशेषत: शाळांना सुट्टी असते. त्यामुळे तुम्हीही खूप दिवसांपासून कौटुंबिक सहलीचे नियोजन करत असाल परंतु मुलांच्या शाळेमुळे हे नियोजन होत नसेल, तर तुमचा प्लॅन पूर्ण करण्याची ही चांगली संधी आहे. सहलीचे नियोजन करता येईल. चला तर मग जाणून घेऊया या ठिकाणांबद्दल…
उटी : कौटुंबिक सुट्टीसाठी ऊटी हे एक उत्तम ठिकाण आहे. शहराच्या मध्यभागी असलेल्या बोटॅनिकल गार्डनमध्ये तुम्हाला अनेक प्रकारची फुले आणि वनस्पती पाहायला मिळतात. याशिवाय इथे येताना निलगिरी पर्वत, रोझ गार्ड, थ्रेड गार्डन, एमराल्ड लेक बघायला चुकवू नका.
मनाली : तुम्हाला हिमवर्षाव पाहायचा असेल तर डिसेंबरमध्ये मनालीला जाण्याचाही प्लॅन करता येईल. बजेटमध्ये मौजमजेच्या बाबतीत हे ठिकाण एकदम बेस्ट आहे. हिवाळ्यात केवळ पर्वतच नव्हे तर झाडेही बर्फाने झाकलेली असतात. या दरम्यान, अनेक प्रकारचे बर्फाचे क्रियाकलाप देखील येथे होतात. तुमच्याकडे वेळ असेल तर मनालीच्या आसपासही अनेक ठिकाणे आहेत.
- Food recipe :हिवाळ्यात चुटकीसरशी बनवा “ही” चविष्ट आणि हेल्दी रेसिपी ;प्रत्येकजण आवडीने खाईल
- Kids Health:व्हिटॅमिन-डीच्या कमतरतेमुळे मुलांमध्ये “हे” आजार होऊ शकतात
राजस्थान : नोव्हेंबर-डिसेंबर हा राजस्थानला भेट देण्यासाठी योग्य वेळ आहे. राजस्थानमध्ये, तुम्ही जयपूर, जोधपूर, उदयपूर, जैसलमेर येथून कोणत्याही ठिकाणाची योजना करू शकता. प्रत्येक ठिकाण स्वतःच सुंदर असते आणि त्याचे काही वेगळेपण असते. जयपूर हे किल्ल्यांचे शहर आहे, तर जैसलमेर हे उंट, डेझर्ट सफारीसाठी प्रसिद्ध आहे. तलावांचे शहर उदयपूर हे मुलांसाठी सर्वात चांगले ठिकाण असेल. तसे, राजस्थानमध्ये अनेक राष्ट्रीय उद्याने आहेत. जिथे तुम्ही पक्षी निरीक्षण आणि ट्रॅकिंगचा आनंद घेऊ शकता.
महाबळेश्वर : कमी बजेटमध्ये कुटुंबासह भेट देण्यासाठी महाबळेश्वर हे एक उत्तम ठिकाण आहे. हे महाराष्ट्रातील एक अतिशय प्रसिद्ध पर्यटन स्थळ आहे. या ठिकाणाला फळांचे घर असेही म्हणतात. कारण येथे अनेक प्रकारच्या फळांची लागवड केली जाते. धोबी फॉल्स, आर्थर्स सीट, चायनामन वॉटरफॉल, लिंगमाला फॉल्स, कॅनॉट पीक, कोयना व्हॅली ही येथे भेट देण्यासारखी ठिकाणे आहेत.
मुन्नार : दक्षिण भारतात कुटुंबासह भेट देण्यासाठी मुन्नार हे एक चांगले ठिकाण आहे. मुन्नारमध्ये तुम्ही बोटिंग, गोल्फ, ट्रेकिंग यांसारख्या अनेक मजेदार क्रियाकलाप करू शकता. तुम्हाला फोटोग्राफीची आवड असेल तर हे ठिकाण तुमच्यासाठी स्वर्ग आहे. दूरवर पसरलेल्या चहाच्या बागा पाहणे ही एक वेगळीच सुखद अनुभूती असते. मुन्नारला या आणि इथल्या स्वादिष्ट चवींचा आस्वाद घ्यायला विसरू नका.