मुंबई – उत्तर प्रदेशातील (Uttar pradesh) ज्ञानवापी मशीद (Gyanvapi Masjid) प्रकरणाच्या पार्श्वभूमीवर महाराष्ट्रातील मुघल सम्राट औरंगजेबाच्या (Aurangzeb) समाधी प्रकरणानेही जोर धरला आहे.
आता भारतीय पुरातत्व सर्वेक्षण विभागाने समाधी पाच दिवस बंद ठेवण्याचा निर्णय घेतला आहे. अधिकाऱ्यांनी गुरुवारी ही माहिती दिली. दोन दिवसांपूर्वी महाराष्ट्र नवनिर्माण सेनेचे (MNS) प्रवक्ते गजानन काळे यांच्यासह अनेक नेत्यांनी स्मारकावर प्रश्न उपस्थित केला होता.
आपल्या ‘तिच्या’ हातांची काळजी आहे ना..? मग https://bit.ly/34DPYzN यावर क्लिक करून पीजन चॉपर पहा अन आवडला तर भेट द्या किंवा खरेदी करा
औरंगाबादच्या खुलताबाद परिसरात एका मस्जिद कमिटीने जागेला कुलूप लावण्याचा प्रयत्न केल्याचे वृत्त आहे. यानंतर एएसआयने ही कारवाई केली आहे. हे स्मारक पाडू द्यावे, असे मनसेच्या प्रवक्त्याने म्हटले होते. तेव्हापासून एएसआयने अतिरिक्त रक्षक तैनात केले होते.
मीडिया रिपोर्ट्सनुसार, औरंगाबादमधील पोलीस अधिकाऱ्याने सांगितले की, ‘यापूर्वी मशीद कमिटीने जागा बंद करण्याचा प्रयत्न केला होता, पण आम्ही ते उघडले. बुधवारी आम्ही पुढील पाच दिवस समाधी बंद ठेवण्याचा निर्णय घेतला. त्यांनी पुढे सांगितले की, ‘आम्ही परिस्थितीचा आढावा घेऊन पुढील पाच दिवस ते उघडायचे की बंद ठेवायचे याचा निर्णय घेऊ.
महाराष्ट्राचे उपमुख्यमंत्री अजित पवार (Ajit Pawar) यांनीही सांगितले की, “राज्यातील कायदा आणि सुव्यवस्थेवर परिणाम होऊ नये म्हणून मुघल सम्राट औरंगजेबाची समाधी 5 दिवस बंद ठेवली जाईल.”
विशेष बाब म्हणजे ऑल इंडिया मजलिस-ए-इत्तेहादुल मुसलमीनचे नेते अकबरुद्दीन ओवेसी याच महिन्यात कबरीवर पोहोचले होते. एआयएमआयएम नेत्याच्या दौऱ्यावर शिवसेनेने जोरदार टीका केली होती, जी राज्याची सत्ताधारी आघाडी महाविकास आघाडीचा भाग आहे. ओवेसींवर टीका करणाऱ्यांमध्ये राज ठाकरे यांच्या नेतृत्वाखालील मनसेचाही समावेश आहे.
