दिल्ली : भविष्य निर्वाह निधी ठेवींवरील व्याजदरात वाढ होण्याऐवजी व्याज दरात कपात करण्यात आली आहे. त्यामुळे देशातील कोट्यावधी नोकरदार कर्मचाऱ्यांना मोठा झटका बसला आहे. ईपीएफओने व्याजदर वाढ करण्याऐवजी कमी केला आहे. 2021-22 या आर्थिक वर्षासाठी 8.1 टक्के व्याजदर जाहीर करण्यात आला आहे, जो 2020-21 मध्ये 8.5 टक्के होता. वृत्तसंस्था पीटीआयच्या सूत्रांनी ही माहिती दिली आहे. भविष्य निर्वाह निधी ठेवींवरील व्याज चार दशकांच्या सर्वात कमी पातळीवर आला आहे. 1977-78 नंतरचा हा सर्वात कमी आहे, जेव्हा EPF व्याजदर 8 टक्के होता.
एका सूत्राने सांगितले की, “कर्मचारी भविष्य निर्वाह निधी संघटना (EPFO) ची निर्णय घेणारी संस्था सेंट्रल बोर्ड ऑफ ट्रस्टी (CBT) ने शनिवारी झालेल्या बैठकीत 2021 साठी EPF वर 8.1 टक्के व्याजदर देण्याचा निर्णय घेतला आहे. CBT ने मार्च 2021 मध्ये 2020-21 साठी EPF ठेवींवर 8.5 टक्के व्याजदर निश्चित केला होता. आता CBT च्या निर्णयानंतर, 2021-22 साठी EPF ठेवीवरील व्याजदर संमतीसाठी अर्थ मंत्रालयाकडे प्रस्ताव पाठवला जाईल. सरकारने अर्थ मंत्रालयाद्वारे याची खात्री केल्यानंतरच EPFO व्याजदर प्रदान करते. मार्च 2020 मध्ये, EPFO ने भविष्य निर्वाह निधी ठेवींवरील व्याजदर 2018-19 साठी प्रदान केलेल्या 8.65 टक्क्यांवरून 8.5 टक्क्यांवर आणला. 2019-20 साठी व्याजदर सात वर्षांच्या सर्वात कमी पातळीवर आला होता. 2019-20 साठी प्रदान केलेला EPF व्याज दर 2012-13 पासून सर्वात कमी होता, जेव्हा तो 8.5 टक्के करण्यात आला होता.
पीएफओने 2016-17 मध्ये 8.65 टक्के आणि 2017-18 मध्ये 8.55 टक्के व्याजदर दिला होता. आर्थिक वर्ष 2015-16 मध्ये 8.8 टक्के व्याजदर थोडा जास्त होता. 2013-14 तसेच 2014-15 मध्ये 8.75 टक्के व्याज दिले, जे 2012-13 मधील 8.5 टक्क्यांपेक्षा जास्त आहे. 2011-12 मध्ये व्याजदर 8.25 टक्के होता.
‘पीएफ’ व्याजदर घटणार की वाढणार..? ; आज होतेय महत्वाची बैठक; पहा, काय आहेत महत्वाचे प्रस्ताव..?
