Delhi Trust Vote: निवडणुकीपूर्वी देशभरात राजकारणात मोठे बदल पाहायला मिळत आहेत. अशातच आता आपचे सर्वेसर्वा आणि दिल्लीचे मुख्यमंत्री अरविंद केजरीवाल (AAP Delhi CM Arvind Kejariwal) यांनी आता वेगळीच खेळी खेळली आहे. त्यांनी बहुमत सिद्ध करण्यासाठी विधानसभेत विश्वास प्रस्ताव (Delhi Trust Vote) आणला होता. आता हा प्रस्ताव मंजूर झाला आहे. तसेच त्यांनी भाजपवर जहरी टीकाही केली आहे.
काय म्हणाले केजरीवाल?
मुख्यमंत्री अरविंद केजरीवाल दिल्ली विधानसभेत म्हणाले की, दोन आमदारांनी माझ्याकडे येऊन मला सांगितले की तुम्हाला अटक होणार आहे. तुम्ही आमच्यासोबत या. आम्ही तुम्हाला 25 कोटी रुपये देतो. तसेच त्यांनी लवकरच आम आदमी पक्षाचे सरकार पडणार असल्याचे त्यांना सांगण्यात आले. भाजप नेते आणि केंद्रीय गृहमंत्री अमित शाह (BJP Leader and Home Minister Amit Shah) यांच्याशी ओळख करून देणार असल्याचे सांगितले. हे लोक कधी नातेवाईकांच्या माध्यमातून येतात, तर कधी मित्रांच्या माध्यमातून आमच्याकडे येतात. आम्ही पुरावे कसे आणू? आम्ही कोणता टेप रेकॉर्डर बाळगतो? तुम्ही केजरीवाल यांना अटक करा पण हा विचार कसा संपवणार? एक लाख केजरीवाल जन्माला येतील. आमच्या नेत्यांना अटक करा. काम थांबवले.
मोदींना रोखण्यासाठी आप सज्ज
पुढे अरविंद केजरीवाल म्हणाले की, जर 2024 मध्ये पंतप्रधान मोदींना (PM Narendra Modi) रोखता आले नाही, तर 2029 मध्ये तुम्हाला सत्तेवरून हटवण्याचे काम आमचा पक्ष करेल करेल. हे मी तुम्हाला सांगत आहे. आज हा छोटा पक्ष देशातील तिसऱ्या क्रमांकाचा पक्ष असून आम्ही ते दिल्ली आणि पंजाबमध्ये दाखवून दिले आहे. भाजपला माहीत आहे की, जर त्यांना कोणी रोखू शकत असेल तर तो आम आदमी पक्ष आहे. त्यामुळेच आम्हाला संपवण्याचे प्रयत्न सुरू आहेत. दिल्लीचा पराभव त्यांना पचवता आला नाही. त्यामुळेच त्यांनी आम्हाला रोखण्यासाठी प्रयत्न केले.
म्हणून आणला प्रस्ताव
आज या सभागृहात आमचे बहुमत आहे. पण आज विश्वासदर्शक ठरावाची (Delhi Trust Vote) गरज का आहे? कारण आमच्याकडे असलेले आमदार फोडण्याचा प्रयत्न झाला असून त्याला 25 कोटी रुपये देण्यात येतील, असे सांगितले. आम्हीही निवडणूक लढवू पण आमचे आमदार फुटणार नाहीत.आज तुम्ही केजरीवाल यांना अटक करू शकता पण अरविंद केजरीवालांची विचारसरणी कशी संपवणार? असा सवाल त्यांनी यावेळी उपस्थित केला.
भाजपला दिले ‘हे’ आव्हान
त्यामुळे मी भाजपला आव्हान देतो की, अनेक राज्यात तुमची सरकारे आहेत. एका राज्यात मोफत वीज देऊन दाखवा. चोवीस तास वीज देऊन दाखवा. आज भाजपची राज्ये बघा, शाळांमध्ये प्राणी फिरतात. भाजपने दिल्लीच्या धर्तीवर गुजरातमधील 10 शाळा दाखवाव्यात. आम्ही मोहल्ला क्लिनिक अंतर्गत चांगल्या आरोग्य सुविधा देत असून भाजपची राज्ये पहा. आम्ही मोफत पाणी दिले. त्यांना आमच्यासारखं काम करता येत नसेल तर त्यांनी आमचं काम बंद करायला सुरुवात केली,” असा आरोप केजरीवाल यांनी केला आहे.
