Dearness Allowance Hike : केंद्रातील मोदी सरकारने केंद्रीय कर्मचाऱ्यांसाठी (Dearness Allowance Hike) तिजोरी खुली केली आहे. दिवाळीपूर्वी केंद्र सरकारने कर्मचाऱ्यांच्या महागाई भत्त्यात मोठी वाढ केली आहे. वास्तविक, बुधवारी झालेल्या केंद्रीय मंत्रिमंडळाच्या बैठकीत हा मोठा निर्णय घेण्यात आला आहे. याअंतर्गत महागाई भत्त्यात 4 टक्क्यांनी वाढ करण्यात आली आहे. यासह ते आता 42 वरून 46 टक्के करण्यात आले आहे.
मोदी सरकारने दिवाळीपूर्वी (Diwali 2023) केंद्रीय कर्मचाऱ्यांना मोठी भेट दिली आहे. मंत्रिमंडळाच्या बैठकीत महागाई भत्त्यात वाढ करण्यास मंजुरी देण्यात आली आहे. हे आधीच अपेक्षित असले तरी महागाई भत्ता किती टक्के वाढेल याबाबतची योग्य माहिती उपलब्ध नव्हती. मोदी सरकारने वाढवलेल्या महागाई भत्त्यात केंद्रीय कर्मचारी आणि पेन्शनधारकांना वाढीव दराने भत्ता मिळणार आहे. विशेष म्हणजे जुलै ते सप्टेंबर या कालावधीतील थकबाकी म्हणूनही ही रक्कम दिली जाणार आहे. म्हणजेच याच्या कक्षेत येणाऱ्या कर्मचाऱ्यांना जुलै महिन्यापासूनच वाढीव महागाई भत्ता दिला जाणार आहे.
ऑक्टोबरचा पगार मोठा असेल
केंद्र सरकारच्या या निर्णयामुळे ऑक्‍टोबर महिन्याचा पगार केंद्रीय कर्मचाऱ्यांना मोठा मिळणार आहे. कारण यात गेल्या चार महिन्यांपासून वाढलेल्या महागाई भत्त्याचाही समावेश असेल. दिवाळीसारख्या मोठ्या सणापूर्वी मोदी सरकारच्या या निर्णयामुळे केंद्रीय कर्मचारी आणि पेन्शनधारकांना मोठा दिलासा मिळाला आहे. वाढत्या महागाईमुळे कर्मचाऱ्यांना आता सण साजरे करण्यात अडचण येणार नाही. गेल्या काही दिवसांपासून अन्नधान्याच्या महागाईत मोठी वाढ झाली आहे. त्यातूनही दिलासा मिळण्याची शक्यता आहे.
