Corona Virus : जगभरात दोन वर्षांपेक्षा जास्त काळ थैमान घालणारा आणि कोट्यावधी लोकांचे बळी घेणाऱ्या कोरोना व्हायरसबाबत महत्वाची माहिती मिळाली आहे. या घातक कोरोना व्हायरसची (Corona Virus) उत्पत्ती चीनच्या प्रयोगशाळेतूनच झाली आहे. अमेरिकेच्या ऊर्जा विभागाच्या गुप्तचर अहवालात हा खुलासा करण्यात आला आहे. अमेरिकेच्या ऊर्जा विभागाने सांगितले की, चीनच्या (China) प्रयोगशाळेतून गळती झाल्यानंतर कोरोना विषाणूचा प्रसार झाला. रविवारी आपल्या अहवालात ही माहिती देताना वॉल स्ट्रीट जनरलने सांगितले की, व्हाईट हाऊस आणि अमेरिकन संसदेच्या प्रमुख सदस्यांना सादर केलेल्या गुप्तचर अहवालात ही शक्यता व्यक्त करण्यात आली आहे.
या विषाणूच्या उत्पत्तीबाबत ऊर्जा विभागाने यापूर्वी काही प्रकारचे भाष्य केले होते. हे महत्त्वाचे आहे कारण एजन्सीकडे लक्षणीय वैज्ञानिक कौशल्य आहे आणि यूएस राष्ट्रीय प्रयोगशाळांच्या नेटवर्कची देखरेख करते, त्यापैकी काही प्रगत जैविक संशोधन करतात, असे अहवालात म्हटले आहे.
- Gold Investment साठी ‘हे’ आहेत खास पर्याय; काळजी नको, मिळेल चांगला नफा
- IPL 2023 : सर्वाधिक षटकार ठोकणारा फलंदाज कोण ? ; रोहित शर्मा नाही तर..
- IND vs PAK : क्रिकेट चाहत्यांची घोर निराशा; पाकिस्तान संघाने घेतला ‘हा’ निर्णय
- PM-SHRI Scheme : शाळा होणार मॉडेल; ‘त्यासाठी’ मोदी सरकारने 9 हजार शाळा केल्या सिलेक्ट
- PF Balance : कंपनी तुमच्या खात्यात पीएफचे पैसे टाकते का ? ; ‘या’ सोप्या पद्धतींनी मिळवा माहिती
अमेरिकेच्या ऊर्जा विभागासमोर एफबीआयने आधीच भीती व्यक्त केली आहे, की कोरोना व्हायरसची उत्पत्ती चीनच्या प्रयोगशाळेतून झाली आहे. 2021 च्या एका अहवालात FBI ने म्हटले आहे, की कोरोना महामारी प्रयोगशाळेतील गळतीचा परिणाम आहे. त्याचबरोबर आता ऊर्जा विभागानेही एफबीआयच्या मताशी सहमती दर्शवली आहे. त्याच वेळी अनेक एजन्सी असेही मानतात की विषाणूची उत्पत्ती नैसर्गिकरित्या झाली आहे. तर काही एजन्सी कोणत्याही निष्कर्षापर्यंत पोहोचलेल्या नाहीत.
मार्च 2020 नंतर कोरोना महामारीमुळे झालेल्या विध्वंसाची क्वचितच कोणी कल्पना केली असेल. एक महामारी ज्याने संपूर्ण जगात थैमान घातले. वर्ल्ड हेल्थ ऑर्गनायझेशन (WHO) नुसार, जगभरात 7 दशलक्षाहून अधिक लोकांचा कोरोनामुळे मृत्यू झाला आहे. संपूर्ण जग काही काळ ठप्प झाले होते. व्यवसाय विस्कळीत झाले होते. त्या काळात लोकांना घरातून बाहेर पडणे कठीण होते.
