मुंबई : देशात कोरोनाचा प्रादुर्भाव कमी होताना दिसत आहे. सलग दुसऱ्या दिवशी कोरोनातून बरे होणाऱ्या रुग्णांची संख्या नवीन रुग्णांपेक्षा जास्त होती. मागील 24 तासांत 2,93,073 लोक या आजारातून बरे झाले, तर 2,85,914 नवीन रुग्णांची नोंद झाली आहे. अॅक्टिव्ह प्रकरणांमध्ये 13,824 ची घट नोंदली गेली. बुधवारी सकाळपर्यंत देशात 22,23,018 सक्रिय प्रकरणे होती. मात्र, केरळमधील कोरोनाची वाढती प्रकरणांमुळे सरकारचे टेन्शन वाढले आहे.
केरळमध्ये कोरोनाचा वेग सातत्याने वाढत आहे. गेल्या 24 तासांत राज्यात कोरोनाचे 49,771 नवे रुग्ण आढळून आले असून, संसर्गामुळे 63 जणांचा मृत्यू झाला आहे. केरळमध्ये अॅक्टिव्ह रुग्णांची संख्या 3,00,556 आहे. केरळमध्ये कोरोनामुळे मृत्यू झालेल्यांची एकूण संख्या 52,281 आहे. मुंबईत गेल्या 24 तासांत कोरोनाचे 1,858 नवीन रुग्ण आढळून आले आहेत, तर 13 जणांचा संसर्गामुळे मृत्यू झाला आहे. मुंबईत 22,364 अॅक्टिव्ह रुग्ण आहेत. त्याच वेळी, दिल्लीत गेल्या 24 तासांत कोविड-19 चे 7,498 नवीन रुग्ण आढळले आहेत, तर 29 लोकांचा संसर्गामुळे मृत्यू झाला आहे. दिल्लीत 38,315 अॅक्टिव्ह प्रकरणे आहेत.
आरोग्य मंत्रालयाने सकाळी 8 वाजता जाहीर केलेल्या आकडेवारीनुसार, आता नवीन रुग्णांसह 4,00,85,116 लोकांना संसर्ग झाला आहे. त्याच वेळी, आणखी 665 लोकांचा मृत्यू झाल्याने, कोरोनामुळे मृत्यूमुखी पडलेल्या लोकांची संख्या 4,91,127 वर गेली आहे. मंत्रालयाच्या म्हणण्यानुसार, रिकव्हरी दर 93.23 टक्के आणि मृत्यू दर 1.23 वर आला आहे. दैनिक पॉजिटिविटी दर 16.16 टक्के नोंदला गेला आणि साप्ताहिक पॉजिटिविटी दर 17.33 टक्के होता. या आजारातून बरे होणाऱ्यांची संख्या 3,73,70,971 झाली आहे.
मंत्रालयाने दिलेल्या माहितीनुसार, आतापर्यंत 72.05 कोटी कोरोना नमुने तपासण्यात आले आहेत, तर गेल्या 24 तासांत 17,69,745 चाचण्या घेण्यात आल्या आहेत. आतापर्यंत 163.58 कोटी लसी देण्यात आल्या आहेत. देशव्यापी कोरोना लसीकरण मोहिमेअंतर्गत आतापर्यंत देशात 163.58 कोटींहून अधिक लसी देण्यात आल्या आहेत. आरोग्य मंत्रालयाच्या म्हणण्यानुसार, राज्यांकडे 13.60 कोटी लसीचे डोस अजूनही उपलब्ध आहेत.
