दिल्ली : देशात सातत्याने वाढणाऱ्या कोरोना व्हायरसच्या (Corona Virus) बाबतीत गेल्या 24 तासांत घट नोंदवण्यात आली आहे. कोविड-19 च्या नवीन प्रकरणांमध्ये 4.4 टक्के घट झाली आहे. गेल्या 24 तासांत 2,259 नवीन रुग्ण आढळले आहेत. अशा परिस्थितीत अॅक्टिव्ह रुग्णांची (Active Patient) संख्या 15,004 वर पोहोचली आहे. त्याचवेळी, गेल्या 24 तासांत देशभरात संसर्गामुळे 20 जणांचा मृत्यू झाला आहे. त्याच वेळी गुरूवारी देशातील विविध राज्यांमध्ये 15,12,766 लोकांना लस देण्यात आल्याने देशातील लस घेतलेल्या लोकांची संख्या 1,91,96,32,518 वर पोहोचली आहे.
गेल्या 24 तासांत 375 अॅक्टिव्ह रुग्ण कमी झाले आहेत. त्याच वेळी, 2614 लोकांनी कोरोनावर मात केली आहे. ज्यामध्ये बरे झालेल्या लोकांची एकूण संख्या 4,25,92,455 झाली आहे. विशेष म्हणजे, काल आलेल्या आकडेवारीनुसार, देशात कोविड-19 च्या (Covid 19 ) नवीन प्रकरणांमध्ये 29.2 टक्क्यांनी वाढ झाली आहे. एकूण 2 हजार 364 नवीन रुग्णांची नोंद झाली आहे. त्याच वेळी देशात संसर्गामुळे 10 लोकांचा मृत्यू झाला होता. आकडेवारीवर नजर टाकल्यास, गेल्या अनेक दिवसांनंतर शुक्रवारी कोरोना व्हायरस संसर्गाच्या नवीन प्रकरणांमध्ये घट झाली आहे, ही दिलासादायक गोष्ट आहे. मात्र आरोग्य मंत्रालय आणि आरोग्य क्षेत्राशी निगडित लोकांना सतत सतर्क राहण्याचे आवाहन केले जात आहे.
देशभरातील कोरोना रुग्णांची संख्या आता हळूहळू कमी होत आहे. 26 एप्रिलपासून दररोज 3 हजारांहून अधिक प्रकरणे सापडत होती. जे 29 एप्रिलला सर्वाधिक पातळीवर होते. तेव्हापासून प्रकरणांमध्ये घट झाली आहे. 26 एप्रिलनंतर ही पहिलीच वेळ आहे, जेव्हा एकूण प्रकरणांची संख्या 3 हजारांच्या खाली गेली आहे. 26 एप्रिल रोजी 2927 प्रकरणे नोंदली गेली. त्यानंतर 27 एप्रिलला 3303, 28 एप्रिलला 3377, 29 एप्रिलला 3688, 30 एप्रिलला 3324 आणि 1 मे रोजी 3157. काल कोरोना रुग्णांची (Corona Patient) संख्या 3 हजारांच्या आत होती. मे महिन्यात मात्र कोरोनाचे रुग्ण कमी जास्त होत आहेत.
देशात सध्या कोरोना नियंत्रणात आहे. लसीकरणाचे प्रमाण (Vaccination) वाढले आहे. तरी देखील काही ठिकाणी कोरोनाचे रुग्ण आढळत आहेत. राजधानी दिल्लीत रुग्ण सापडण्याचे प्रमाण जास्त आहे. अन्य राज्यांच्या तुलनेत येथे जास्त संख्येने रुग्ण सापडत आहेत. तर दुसरीकडे या घातक आजारातून बरे होणाऱ्या रुग्णांची संख्याही वाढली आहे.
देशात कोरोनाचे रुग्ण पुन्हा वाढले.. मागील 24 तासात सापडलेत ‘इतके’ नवे रुग्ण..
कोरोनाचे जबरदस्त थैमान..! एकाच दिवसात सापडले अडीच लाख रुग्ण; पहा, कुठे आहे ‘ही’ भीषण परिस्थिती
