Corona : देशात एका दिवसात कोविड-19 (Covid 19) चे 8 हजार 813 प्रकरणे समोर आल्याने एकूण संसर्ग प्रकरणांची संख्या 4,42,77,194 वर पोहोचली आहे. तर उपचार घेत असलेल्या रुग्णांची संख्या 1,11,252 वर आली आहे. मंगळवारी सकाळी 8 वाजेपर्यंत केंद्रीय आरोग्य मंत्रालयाच्या अद्ययावत आकडेवारीनुसार संसर्गामुळे आणखी 29 रुग्णांचा मृत्यू झाल्यामुळे मृतांची संख्या 5,27,098 झाली आहे.
आकडेवारीनुसार एका दिवसात उपचार घेत असलेल्या रुग्णांच्या (Corona Virus Patient) संख्येत 6,256 रुग्णांची घट झाली आहे, तर कोविड-19 मधून बरे होण्याचा राष्ट्रीय दर 98.56 टक्के आहे. या आजारातून बरे झालेल्या लोकांची संख्या 4,36,38,844 झाली आहे, तर मृत्यूचे प्रमाण 1.19 टक्क्यांवर पोहोचले आहे. आरोग्य मंत्रालयाच्या म्हणण्यानुसार, संसर्गाचा दैनंदिन दर 4.15 टक्के नोंदवला गेला, तर साप्ताहिक संसर्ग दर 4.79 टक्के नोंदवला गेला. देशव्यापी अँटी-कोविड-19 लसीकरण (Vaccination) मोहिमेंतर्गत आतापर्यंत कोरोना व्हायरस लसींचे 208.31 कोटी डोस देण्यात आले आहेत. विशेष म्हणजे, 7 ऑगस्ट 2020 रोजी देशात संक्रमितांची संख्या 20 लाख, 23 ऑगस्ट 2020 रोजी 30 लाख आणि 5 सप्टेंबर 2020 रोजी 40 लाखांहून अधिक झाली होती.
16 सप्टेंबर 2020 रोजी संसर्गाची एकूण प्रकरणे 50 लाख, 28 सप्टेंबर 2020 रोजी 60 लाख, 11 ऑक्टोबर 2020 रोजी 70 लाख, 29 ऑक्टोबर 2020 रोजी 80 लाख आणि 20 नोव्हेंबर रोजी 90 लाखांवर गेली. 19 डिसेंबर 2020 रोजी देशात या प्रकरणांची संख्या एक कोटींहून अधिक झाली होती. गेल्या वर्षी, 4 मे रोजी, बाधितांची संख्या 2 कोटी आणि 23 जून 2021 रोजी ती 3 कोटी होती. यावर्षी 25 जानेवारी रोजी संसर्गाची संख्या 4 कोटींच्या पुढे गेली होती.
