अस्सल राजस्थान चव : घरच्या घरीच बनवा मुलांसाठी गोड चुरमा लाडू.. ही घ्या रेसिपी

अहमदनगर : राजस्थानची प्रसिद्ध डिश दालबाटी आणि चुरमा देशभर खूप आवडीने खातात. त्याचबरोबर या चुरमापासून लाडूही तयार केले जातात. ते चवीनुसार खूपच अप्रतिम आहेत. तुम्हालाही या लाडूंची चव चाखायची असेल तर तुम्ही या सोप्या रेसिपीने घरीच तयार करू शकता. चला तर मग जाणून घेऊ या काय आहे चुरमा लाडू बनवण्याची रेसिपी. जे लहानांपासून मोठ्यांपर्यंत सर्वांनाच आवडेल.

चुरमा लाडू बनवण्याचे साहित्य : चुरमा लाडू बनवण्यासाठी तुम्हाला चार वाट्या भरड मैदा, दोन वाट्या देशी तूप, साखर किंवा गूळ चार वाट्या, काजू दहा ते बारा, बदाम दहा ते बारा, पिस्ता दहा ते बारा, चिमूटभर मीठ लागेल.

चुरमा लाडू बनवण्याची कृती : लाडू बनवण्यासाठी एका भांड्यात भरड पीठ काढून त्यात देशी तूप घाला. नंतर दोन्ही हातानी चांगले मॅश करून मिक्स करावे. आता पिठात हळूहळू गरम पाणी घालून घट्ट पीठ मळून घ्या. दहा मिनिटे कापडाने झाकून ठेवा. दहा मिनिटांनंतर पीठ घेऊन ते चांगले मॅश करून गुळगुळीत करा आणि गोल गोळे तयार करा.

• नाश्त्यात ‘या’ पदार्थांचा करा समावेश; राहाताल फिट आणि वजनही होईल कमी; जाणून घ्या..
• खरेदीचा आनंद आणि हमखास बचत म्हणजे आपला खरेदिवाला Kharediwala
• अर्र.. तेलामुळे बिघडतेय की सगळेच गणित..! महागाई सुद्धा कमी होत नाही; ‘कसे’ ते जाणून घ्या..

हे गोल गोळे किंवा गॅसवर मंद आचेवर भाजून शिजवा. ते शिजवण्यासाठी अर्धा तास लागू शकतो. गोल्डन ब्राऊन होईपर्यंत बेक करा आणि एका भांड्यात काढा. चांगले थंड झाल्यावर फोडून कुस्करून घ्या. बारीक होण्यासाठी ते मिक्सरमध्ये टाकून ढवळावे. काजू, बदाम आणि पिस्त्याचे छोटे तुकडे करून बटीच्या पावडरमध्ये मिसळा.

आता या पावडरमध्ये साखरपूड किंवा गूळ घालून मिक्स करा. पावडरमध्ये तुपाचे प्रमाण पुरेसे असल्याची खात्री करा. चांगले मिसळून लाडू बनवा. तूप मिसळून लाडू बनवा आणि त्याला गोल आकार द्या. हे लहान मुलांबरोबरच मोठ्यांनाही खूप आवडते.