China : चीन आपल्या विस्तारवादी धोरणासाठी जगभरात बदनाम आहे. भारतातील लडाख येथील सीमावाद नवा नाही. चीन तैवानवरही आपला हक्क सांगत आहे. त्यामुळे अमेरिका आणि चीन अनेकदा आमनेसामने आले आहेत. त्याचवेळी, आता गेल्या नऊ महिन्यांपासून रशिया आणि युक्रेनमध्ये युद्ध सुरू असताना आणि संपूर्ण जगात अशांतता असताना, चीनचे अध्यक्ष शी जिनपिंग यांनी उघडपणे युद्धाची घोषणा केली आहे.
चीनचे राष्ट्राध्यक्ष शी जिनपिंग यांनी देशाच्या वाढत्या अस्थिर आणि अनिश्चित सुरक्षेचा हवाला देत युद्धाच्या तयारीवर भर देणार असल्याचे जाहीर केले आहे. राज्य माध्यम ‘सीसीटीव्ही’नुसार, जिनपिंग यांनी भर दिला की बीजिंग सर्वसमावेशकपणे लष्करी प्रशिक्षण आणि कोणत्याही युद्धाची तयारी मजबूत करेल.
चीनच्या अध्यक्षांच्या नुकत्याच झालेल्या घोषणेकडे काही प्रमाणात तैवानला धोका असल्याचेही दिसत आहे. चीन तैवानवर आपला दावा करत आहे. गरज पडल्यास बळजबरीने तैवानला जोडण्याची धमकी चीनने वारंवार दिली आहे. शी जिनपिंग यांची ताजी घोषणा ब्रिटनचे व्यापार मंत्री ग्रेग हँड्स यांच्या यूके-तैवान व्यापार चर्चेसाठी तैवानच्या भेटीच्या पार्श्वभूमीवर देखील आली आहे. ही भेट यूके-तैवान व्यापार संबंधांना चालना देण्यासाठी यूकेच्या वचनबद्धतेचे स्पष्ट संकेत आहे.
त्याचवेळी ब्रिटनच्या मंत्र्याच्या तैवान भेटीवर चीनने जोरदार आक्षेप घेतला आहे. प्रवक्ते लिजियान यांनी पत्रकार परिषदेत सांगितले की, “चीनशी राजनैतिक संबंध असलेल्या कोणत्याही देशाने तैवानच्या भूभागाशी अधिकृत देवाणघेवाण चीन ठामपणे नाकारतो.” ब्रिटनने तैवानशी कोणतीही अधिकृत देवाणघेवाण थांबवावी आणि तैवानच्या फुटीरतावादी शक्तींना खोटे संकेत पाठवणे थांबवावे असे आवाहन चीनने केले.
रशिया आणि युक्रेनमध्ये नऊ महिन्यांपासून सुरू असलेल्या युद्धात जगभरातील देश विभागले गेले असताना चीनचे अध्यक्ष जिनपिंग यांची धमकी आली आहे. रशिया युक्रेनवर दिवसेंदिवस हल्ले वाढवत आहे. अलीकडेच, युक्रेनची राजधानी कीववर रशियन सैन्याने केलेल्या हल्ल्यामुळे शहरातील सुमारे दीड लाख घरांमध्ये अंधार झाला होता. रशियन सैन्याच्या वेगवान हल्ल्यामुळे या घरांमधील वीजपुरवठा खंडित झाला होता. या युद्धात युक्रेनचे खूप नुकसान झाले आहे. अशा परिस्थितीत चीनच्या या घोषणेनंतर जगभरातील तणाव आणखी वाढू शकतो, असे मानले जात आहे.
- IMP News : भारताच्या मदतीने रशियाचा ‘तो’ ठराव अखेर मंजूर; अमेरिकेचा मात्र तिळपापड, जाणून घ्या..
- ‘त्यासाठी’ डोनाल्ड ट्रम्प पुन्हा मैदानात..! लवकरच करणार मोठी घोषणा; पहा, काय घडतेय अमेरिकेत
