Car Sale in Pakistan : पाकिस्तानची आर्थिक स्थिती कोणापासून (Car Sale in Pakistan) लपलेली नाही. देश चालवण्यासाठी पाकिस्तान सरकार सतत इतर देशांच्या कर्ज मिळविण्याच्या प्रयत्नात असते. पाकिस्तानी रुपयाची सातत्याने घसरण होत आहे. पाकिस्तानमध्ये जवळपास प्रत्येक व्यवसायाची स्थिती वाईट आहे आणि उद्योगही कोलमडत आहेत. अशीच परिस्थिती पाकिस्तानातील वाहन उद्योगाची झाली आहे. लोकांकडे ना रोजगार उरला ना दोन वेळच्या खायला पैसे. अशा स्थितीत कार कोण घेणार? या गोष्टीचा परिणाम वाहनांच्या विक्रीवर झाला आहे.
पाकिस्तानमध्ये दर महिन्याला वाहन विक्री, विशेषत: कार विक्री वेगाने कमी होत आहे. आता जूनच्या आकडेवारीवरून पाकिस्तानातील वाहन उद्योगाचे कंबरडे पूर्णपणे मोडल्याचे स्पष्ट झाले आहे. जर आपण जूनच्या विक्रीवर नजर टाकली तर 2022 च्या तुलनेत ती 82 टक्क्यांनी घसरली आहे. पाकिस्तान ऑटोमोटिव्ह मॅन्युफॅक्चरर्स असोसिएशनच्या मते, जून महिन्यात संपूर्ण देशात एकूण 6034 कारची विक्री झाली. दुसरीकडे महागाई आणि कच्च्या तेलाच्या वाढत्या किमतीमुळे स्थानिकांमध्ये संताप आहे. लोक म्हणतात की कार चालवावी की भाकरी खावी. उत्पन्न नाही, अशा परिस्थितीत उदरनिर्वाह करणे कठीण आहे, कार कुठून घ्यावी.
पाकिस्तान ऑटो उद्योगाची स्थिती मे महिन्यात वाईट होती आणि हा आकडा जूनच्या तुलनेत 10 टक्क्यांनी कमी होता. त्याच वेळी, आर्थिक वर्ष 2022-23 मध्ये, कारची एकूण संख्या केवळ 1,26,879 युनिट्स होती. सातत्याने घसरत असलेल्या पाकिस्तानी कार बाजाराची स्थिती सध्या तरी सुधारेल असे वाटत नाही. तज्ज्ञांच्या मते, येत्या काळात ही घसरण अधिक होऊ शकते.
कारण काय
पाकिस्तानमध्ये रुपयाचे मूल्य सातत्याने घसरत आहे. त्यामुळे महागाई शिगेला पोहोचली असून वाहनांच्या किमतीही खूप वाढल्या आहेत. लोकांची क्रयशक्ती पूर्णपणे संपुष्टात आली आहे. त्यामुळे वाहनांची विक्री पूर्णपणे ठप्प झाली आहे. हे पाहता अनेक ऑटोमोबाईल कंपन्यांनीही पाकिस्तानातून बाहेर पडत आहेत. टोयोटा आणि सुझुकी यांनी त्यांचे प्लांट अनेकवेळा बंद केले आहेत त्यामुळे मोठ्या संख्येने लोकांना बेरोजगारीला सामोरे जावे लागत आहे. पाकिस्तानच्या आर्थिक संकटाचा थेट परिणाम वाहन उद्योगावर दिसू लागला आहे. त्याच बरोबर देशात पेट्रोल आणि डिझेलच्या वाढत्या किमतींमुळे लोक वाहने खरेदी करण्याचा विचार टाळत आहेत.
