Car Loan Tips : नवीन कार खरेदी करण्यासाठी कर्ज घेण्यापूर्वी (Car Loan Tips) तुम्हाला तुमचा क्रेडिट स्कोअर (Credit Score) तपासणे आवश्यक आहे. तुमचा CIBIL स्कोर चांगला असेल तर कोणतीही बँक तुम्हाला चांगल्या व्याजदराने कर्ज देईल. तुम्ही कार कर्जासाठी अर्ज करता तेव्हा बँका आणि इतर कर्ज देणाऱ्या संस्थांना काही कागदपत्रांची आवश्यकता असते. पैसे कमवण्याचे आणि कार घेण्याचे अनेकांचे स्वप्न असते आणि त्यासाठी त्यांना बराच काळ वाट पाहावी लागते. दुसरीकडे बरेच लोक त्यांच्या कमाईचा काही भाग गुंतवणूक करण्यासाठी आणि हप्त्यांवर नवीन वाहन खरेदी करण्याचा निर्णय घेतात.
तुम्हीही असा काही विचार करत असाल तर या लेखात आम्ही तुम्हाला काही महत्त्वाच्या गोष्टींबद्दल सांगणार आहोत. नवीन कारसाठी कर्ज घेताना या टिप्स तुम्हाला उपयोगी पडणार आहेत.
क्रेडिट स्कोअर तपासा
नवीन कार खरेदी करण्यासाठी कर्ज घेण्यापूर्वी तुम्हाला तुमचा क्रेडिट स्कोअर तपासणे आवश्यक आहे. तुमचा CIBIL स्कोर चांगला असल्यास कोणतीही बँक तुम्हाला अधिक चांगल्या व्याजदराने कर्ज देईल. त्याच वेळी कमी क्रेडिट स्कोअर असलेल्या ग्राहकांना कर्ज घेण्यात अडचणी येऊ शकतात.
कागदपत्रे गोळा करा
जेव्हा तुम्ही कार कर्जासाठी अर्ज करता तेव्हा बँका आणि इतर कर्ज देणाऱ्या संस्थांना काही कागदपत्रांची आवश्यकता असते. यामध्ये तुमचा ओळखीचा पुरावा, पत्ता पुरावा आणि उत्पन्नाचा पुरावा यासारख्या कागदपत्रांचा समावेश आहे. आपण त्यांना ऑनलाइन किंवा समक्ष सबमिट करू शकता.
चांगली बँक निवडा
या दोन्ही गोष्टी केल्यानंतर तुम्हाला कमी व्याजदरात आणि प्रक्रिया शुल्कावर कार लोन देऊ शकेल अशी बँक निवडण्याचे आव्हान असते. देशातील प्रमुख बँकांद्वारे कार कर्जावर दिल्या जाणाऱ्या व्याजदरांबद्दल माहिती घ्या. या बँकांच्या व्याजदरांची माहिती तुम्हाला संबंधित बँकांच्या वेबसाइटवरही मिळू शकेल किंवा तुम्ही प्रत्यक्ष बँकेत जाऊनही याबााबत सविस्तर माहिती घेऊ शकता.
