दिल्ली : रुपयाच्या मूल्यातील घसरण आणि आंतरराष्ट्रीय बाजारातील मजबूत जागतिक ट्रेंडमुळे गुरुवारी दिल्ली सोने मार्केटमध्ये सोने 9 रुपयांच्या किरकोळ वाढीसह बंद झाले. एचडीएफसी सिक्युरिटीजने ही माहिती दिली आहे. दिल्ली सोने मार्केटमध्ये गुरुवारी सोन्याचा भाव प्रति 10 ग्रॅम 9 रुपयांनी वाढून 51,568 रुपये प्रति 10 ग्रॅमवर बंद झाला. गेल्या व्यापार सत्रात सोने 51,559 रुपये प्रति 10 ग्रॅमवर बंद झाले होते. जागतिक बाजारात सोन्या-चांदीची किंमतीत कपात आणि रुपयात झालेली वाढ हे त्याचे प्रमुख कारण असल्याचे सांगितले जात गेले. याआधी सलग चार दिवस सोन्याच्या दरात घसरण झाली होती.
दिल्ली सोने मार्केटमध्ये चांदीचा भाव 224 रुपयांनी वाढून 66,139 रुपये प्रति किलोवर बंद झाला. गेल्या व्यापार सत्रात दिल्ली मार्केटमध्ये चांदीचा भाव 65,915 रुपये प्रति किलोवर बंद झाला होता. चालू आर्थिक वर्षाच्या पहिल्या 11 महिन्यांत (एप्रिल-फेब्रुवारी) देशाची सोन्याची आयात 73 टक्क्यांनी वाढून $45.1 अब्ज झाली आहे. मागणी जास्त असल्याने सोन्याची आयात वाढली आहे. यासह, मागील आर्थिक वर्षाच्या याच कालावधीत सोन्याची आयात $26.11 अब्ज होती.
दरम्यान, रशिया युक्रेन युद्ध, महागाई आणि अन्य घटकांचा सोन्या चांदीच्या दरावर परिणाम होत असल्याचे स्पष्ट दिसून येत आहे. आगामी काळात सोन्याचे भाव आणखी वाढणार असल्याचा अंदाज तज्ज्ञांनी व्यक्त केला असला तरी सध्या मात्र भाव कमी होताना दिसत आहेत. सध्याच्या जागतिक परिस्थितीमुळे असे होत असेल. मात्र, सोन्या चांदीचे भाव कधीही स्थिर नसतात. त्यामुळे आगामी काळात भाव पुन्हा वाढण्याची शक्यता नाकारता येत नाही.
चार दिवसांनंतर बदलला ट्रेंड.. आज सोने-चांदी पुन्हा चमकले..! खरेदीआधी चेक करा नवीन भाव..
