Bank : पुढील काही दिवस देशात अनेक सण उत्सव असून त्यामुळे बँकांमध्ये कामकाज होणार नाही. रिजव्‍‌र्ह बँकेची (RBI) यादी पाहिली तर पुढील 10 दिवस कोणत्या ना कोणत्या कारणामुळे देशाच्या काही भागात बँका (Bank) बंद राहतील. त्याचबरोबर देशभरातील बँकिंग शाखा काही दिवस बंद राहणार आहेत. अशा स्थितीत पुढील 10 दिवस बँकिंग सेवेवर परिणाम होणार आहे. तुम्ही आजपर्यंत बँकेचे कोणतेही काम निकाली काढले नसेल, तर ते पुढे ढकला किंवा पुढील 10 दिवसांत तुमच्या शहरात बँका सुरू होऊ शकतील का हे जाणून घेण्यासाठी ही यादी पहा.
11 ऑगस्ट रोजी अहमदाबाद, भोपाळ, डेहराडून, जयपूर आणि शिमला भागातील बँका रक्षाबंधनाच्या निमित्ताने बंद राहतील. 12 ऑगस्टला दोन दिवस रक्षाबंधन साजरे केले जात आहे. अशा परिस्थितीत 12 ऑगस्टलाही सणानिमित्त देशातील काही भागातील बँका बंद राहणार आहेत. 12 ऑगस्टला कानपूर आणि लखनऊमध्ये कोणतेही कामकाज होणार नाही. मात्र, रक्षाबंधनानिमित्त कोणत्याही बँकेत एक दिवसाची सुट्टी असेल. इंफाळमध्ये 13 ऑगस्ट रोजी बँका बंद राहणार आहेत. त्याचवेळी दुसऱ्या शनिवारी देशभरातील बँका बंद राहतील.
14 ऑगस्ट हा रविवार असून या दिवशी देशभरातील बँका बंद असतात. देशातील सर्व बँकांना रविवारी आणि दुसऱ्या व शेवटच्या शनिवारी साप्ताहिक सुट्टी असते. 15 ऑगस्ट रोजी देशात स्वातंत्र्य दिन साजरा केला जाणार असून या दिवशी देशातील सर्व बँका बंद राहणार आहेत. पारशी नववर्षानिमित्त बेलापूर, मुंबई आणि नागपूरमध्ये 16 ऑगस्टला बँका बंद राहणार आहेत. 17 ऑगस्ट रोजी देशातील सर्व बँका सामान्य कामकाजासाठी सुरू राहतील. 18 ऑगस्ट रोजी जन्माष्टमीनिमित्त भुवनेश्वर, डेहराडून, कानपूर आणि लखनऊमध्ये बँका बंद राहतील. 19 ऑगस्ट रोजी जन्माष्टमीनिमित्त अहमदाबाद, भोपाळ, चंदीगड, चेन्नई, गंगटोक, जयपूर, जम्मू, पाटणा, रायपूर, रांची, शिलाँग आणि शिमला बंद राहणार आहेत.
