मुंबई : राज्यातील बेरोजगार तरुणांसाठी एक आनंदाची बातमी आहे.. या तरुणांना आता सरकारी नोकरीची सुवर्णसंधी उपलब्ध होणार आहे. गेली दोन वर्षे महाराष्ट्रात कोरोनाचा कहर सुरु होता.. कोरोना संकटामुळे शासकीय नोकर भरतीची प्रक्रिया स्थगित करण्यात आली होती. मात्र, ठाकरे सरकारने पुन्हा एकदा नोकर भरतीची प्रक्रिया सुरु करण्यास मंजुरी दिलीय. सुधारित आकृतीबंध मंजूर करून घेतलेल्या विभागांना लोकसेवा आयोगाच्या कक्षेतील 100 टक्के आणि आयोगाच्या कक्षेबाहेरील 50 टक्के रिक्त पदे भरण्यास मान्यता देण्यात आली आहे.
राज्य शासकीय अधिकारी व कर्मचाऱ्यांच्या वेतनावरील, तसेच निवृत्ती वेतनावरील वाढता खर्च लक्षात घेता, राज्य सरकारने रिक्त पदभरती आणि नवीन नोकर भरतीबाबत संथ गतीने वाटचाल सुरू ठेवली होती. मात्र, आता त्याला चांगली गती मिळणार असून, येत्या काळात मोठ्या प्रमाणात नोकर भरती केली जाणार असल्याचे सांगण्यात आले..
रेल्वेत नोकर भरती सुरु
दरम्यान, पूर्व रेल्वेने 2972 अप्रेंटिस पदांसाठी अर्ज मागवले आहेत. या पदांसाठी अर्ज करणाऱ्या उमेदवार किमान 50 टक्के गुणांसह मान्यताप्राप्त बोर्डातून दहावी उत्तीर्ण झालेला असावा.. तसेच इतर पदांसाठी संबंधित ट्रेडमध्ये 8 वी पास असलेले ‘नॅशनल ट्रेड सर्टिफिकेट’ असणं अनिवार्य आहे.
असा करा अर्ज…
- नोकरीसाठी अर्ज करण्यासाठी, प्रथम तुम्हाला रेल्वेच्या https://rrcrecruit.co.in/rrceraprt22/ या अधिकृत वेबसाइटवर जावे लागेल.
- अधिकृत अधिसूचनेजवळ ऑनलाइन अर्जाची लिंक दिसेल, त्यावर क्लिक करा.
- नंतर सर्व माहिती भरून, प्रमाणपत्र व स्वाक्षरी अपलोड करा.
- ही नोकरी मिळविण्यासाठी उमेदवारांना कोणत्याही प्रकारची परीक्षा द्यावी लागणार नाही. या पदांवर गुणवत्तेच्या आधारावर उमेदवारांची निवड केली जाईल.
ममता सरकारच्या अडचणींत वाढ: ‘तो’ प्रकरण पोहोचले CBI कडे; आता..
भारतात लवकरच धावणार बुलेट ट्रेन; मोदींचा ‘तो’ स्वप्न होणार साकार
