मुंबई : 7 नोव्हेंबर रोजी नांदेडमध्ये भारत जोडो यात्रेत राहुल गांधींसोबत सहभागी होण्यासाठी प्रदेश काँग्रेसचे नेते सज्ज झाले आहे. सहभागी होणारे सगळेच मंत्री स्वतःला तंदुरुस्त करत आहेत. ते राहुल गांधीं सोबत ताळमेळ राखण्यासाठी जोरदार चालण्याचा सराव करत आहे. या निमित्ताने वेळात वेळ काढून स्वतःसाठी वेळ देत आहे.
यावर राज्याचे माजी मुख्यमंत्री अशोक चव्हाण म्हणाले की, ते आणि इतर नेते गांधींसोबत वेगवान चालण्याचा सराव आणि व्यायाम करत आहेत, चव्हाण म्हणाले, की, नांदेडची जनता यात्रेत सहभागी होण्यासाठी पूर्ण तयारीत आहे. आम्हाला वेळ मिळेल तेव्हा आम्ही व्यायाम करतो. तसेच चालणे आरोग्यासाठी चांगले आहे. तर, प्रदेश काँग्रेसचे अध्यक्ष नाना पटोले म्हणाले की ते यात्रेसाठी स्वत: तंदुरुस्त आहेत.’भारत जोडो यात्रेत’ तेलंगनातून महाराष्ट्रातील नांदेड जिल्ह्यातील देगलूरमध्ये 7 नोव्हेंबर रोजी सायंकाळी 7 वाजता दाखल होणार आहे. महाराष्ट्रात 14 दिवसांच्या मुक्कामात ‘भारत जोडो यात्रा’ 15 विधानसभा आणि 6 लोकसभा मतदारसंघातून जाणार आहे. ही यात्रा सोमवारी सायंकाळी देगलूर येथील मदनूर नाक्यावर पोहोचणार असून दुसऱ्या दिवशी सकाळी साडेसहा वाजता देगलूर बसस्थानकापासून पायी पदयात्रा निघणार आहे. महाराष्ट्रातील ही 14 दिवसांची पदयात्रा यशस्वी करण्यासाठी राज्यातील काँग्रेस युनिट प्रयत्नशील आहे. नेतेही आपल्या परीने प्रयत्न करत आहेत. नांदेड हा माजी मुख्यमंत्री अशोक चव्हाण यांचा गृह जिल्हा आहे. अशा परिस्थितीत नांदेडमध्ये भारत जोडो यात्रेचे स्वागत आणि आयोजन करण्याची जबाबदारी त्यांच्या खांद्यावर आहे. हा प्रवास महाराष्ट्रात ३८१ किमीचा असेल, असे बाळासाहेब थोरात यांनी सांगितले.
must read
- Human trafficker: बाब्बो भयंकरच की.. म्हणून ‘त्यांच्या’वर मानवी तस्करांची नजर..!
- बाब्बो.. पांढऱ्या दुधाचा काळा धंदा उघड..! पहा कशाद्वारे बनवत होते केमिकलचे दुध
