Bank FD : अलीकडच्या काळात अनेकजण बँक एफडीमध्ये गुंतवणूक करतात. सामान्य व्याजदरापेक्षा एफडीच्या व्याजदरात फरक असतो. ग्राहक जी बँक जास्त व्याज देईल त्या बँकेत एफडी करतात. जर तुम्हीही एफडी करणार असाल तर त्यापूर्वी तिचे तोटे जाणून घ्या.
भरावा लागतो कर
एफडीवर मिळणारे व्याज थेट तुमच्या खात्यात जमा होत नाही. मिळालेल्या व्याजावर पूर्ण कर आकारण्यात येतो. तुम्ही तुमचा ITR दाखल करता त्यावेळी FD मधून मिळणारे व्याज उत्पन्न म्हणून गणले जाते आणि त्यावर सरकारकडून कर वसूल केला जातो.
जैसे थे व्याजदर
FD मध्ये, तुम्हाला संपूर्ण कार्यकाळात एकसमान व्याज मिळते. पूर्वी एफडी अल्प मुदतीच्या बचतीसाठी चांगल्या होत्या, पण आता त्यांचा कालावधी वाढला आहे.
टीडीएस कर
एफडीमधून मिळणाऱ्या व्याजावरही टीडीएस लावण्यात येतो. बँका हे प्रत्येक वर्षाच्या शेवटी मिळणाऱ्या व्याजातून वजा करतात. ठेवीदाराला TDS मधून बाहेर पडण्याचा आणि मुदतपूर्तीवर सर्व व्याज भरण्याचा पर्याय आहे. फॉर्म 26AS ठेवीदाराच्या पॅन कार्डशी जोडला असून FD साठी केलेल्या सर्व TDS कपात दाखवतो.
FD ठेवीदाराचे वार्षिक उत्पन्न 2.5 लाख रुपयांपेक्षा जास्त नसेल तर FD व्याजातून कोणताही TDS कापला जात नाही. बँकेला तुमच्या कमी उत्पन्नाची जाणीव आहे याची खात्री करण्यासाठी, फॉर्म 15G आणि फॉर्म 15H संबंधित बँकेच्या शाखेत जमा करा.
कमी व्याजदर
FD तुम्हाला जास्तीत जास्त १०% व्याज देईल. काहीवेळा इतके व्याजही मिळत नाही, तर म्युच्युअल फंडांसह इतर गुंतवणुकीचे मार्ग 20% किंवा 30% पेक्षा जास्त परतावा देतात. म्युच्युअल फंडमधील गुंतवणूक उच्च जोखमीशी संबंधित आहेत, ज्यांच्याकडे जास्त जोखीम घेण्याची क्षमता आहे ते म्युच्युअल फंडामध्ये गुंतवणूक करून जास्त नफा मिळवू शकतात.
महागाईपेक्षा कमी व्याजदर
अनेकदा महागाईचा दर एफडीवरील व्याजदरापेक्षा जास्त असतो. जर तुम्ही निर्धारित मर्यादेपूर्वी बँकेतून तुमची रक्कम काढल्यास बँकेकडून तुम्हाला जमा केलेल्या रकमेपेक्षा एक पैसाही जास्त दिला जात नाही.
