मुंबई – इंडियन प्रीमियर लीगमध्ये (Indian Premier League) अनेक भारतीय कर्णधारांनी ट्रॉफी जिंकली आहे, परंतु आयपीएल 2022 आधी, त्यांच्या संघासाठी आयपीएल ट्रॉफी जिंकणारा एकही मुख्य प्रशिक्षक नव्हता. मात्र, आता हा विक्रम आशिष नेहराच्या (Ashish Nehra) नावावर नोंदवला गेला आहे. जो आयपीएल 2022 मध्ये गुजरात टायटन्सचा मुख्य प्रशिक्षक (Head Coach) होता आणि त्यांच्याच प्रशिक्षणात गुजरातने राजस्थान रॉयल्सचा 7 विकेट्सने पराभव करून विजेतेपद पटकावले.
याआधी आयपीएलचे 14 सीझन खेळले गेले होते आणि सर्व हंगामांमध्ये परदेशी मुख्य प्रशिक्षक त्यांच्या टीमचे होते, ज्यामध्ये स्टीफन फ्लेमिंगचे (Stephen Fleming) नाव चार वेळा आले आहे, तर महेला जयवर्धनेने आपल्या कोचिंगमध्ये हा कारनामा तीन वेळा केला आहे. त्याच वेळी, ट्रेव्हर बेलिसने मुख्य प्रशिक्षक म्हणून दोनदा ट्रॉफी जिंकली आहे आणि प्रत्येकी एकदा टॉम मूडी, रिकी पॉन्टिंग, जॉन राइट, डॅरेन लेहमन आणि शेन वॉर्न यांनी ट्रॉफी जिंकली आहे.
या यादीत आशिष नेहरा हा एकमेव भारतीय आहे ज्याने आयपीएलचे जेतेपद पटकावले आहे. हा ट्रॉफी जिंकणारा तो पहिला भारतीय असल्याचे हार्दिक पंड्याने (Hardik Pandya) आशिष नेहराला सांगितले तेव्हा आशिष नेहराची प्रतिक्रिया अशी होती की, असे काही घडले आहे हे त्याला माहीत नव्हते.
दरम्यान, आयपीएलच्या अंतिम सामन्यात गुजरात टायटन्स (Gujarat Titans) संघाने राजस्थान रॉयल्सचा (Rajasthan Royals) दणदणीत पराभव करत आयपीएल विजेतेपद पटकावले. विशेष म्हणजे, यावेळी चेन्नई, मुंबई, बंगळुरूचे संघ आधीच बाद झाले होते. राजस्थान रॉयल्सने चांगली कामगिरी करत थेट अंतिम सामन्यापर्यंत धडक मारली होती. येथे मात्र काही वेगळेच घडले. हार्दिक पांड्याच्या नेतृत्वातील गुजरात टायटन्स संघाने राजस्थानचा पराभव केला.
पराभवानंतरही राजस्थानवर पैशांचा पाऊस.. पहा, विजेता, उपविजेता संघाला किती मिळाले पैसे..
