AAP Politics : दिल्लीतील आम आदमी पक्षाच्या (AAP) सरकारने आता बहुमत चाचणी केली आहे. मुख्यमंत्री अरविंद केजरीवाल (CM Arvind Kejriwal) यांनी शुक्रवारी विधानसभेत विश्वासदर्शक ठराव मांडला, जो सोमवारी सभागृहात सादर केला जाईल. त्यासाठी विशेष अधिवेशन एक दिवसासाठी वाढविण्यात आले आहे. त्यांनी पुन्हा एकदा भाजपवर (BJP) त्यांचे सरकार पाडण्याचा कट रचल्याचा आरोप केला आणि सांगितले की उपमुख्यमंत्री मनीष सिसोदिया (Manish Sisodia) यांच्याशिवाय 12 आमदारांशी संपर्क साधला आहे. त्यांना पैशांचे अमिष दाखवले जात आहे.
द्राक्ष म्हणजे अहा..हा.. भन्नाट आंबट-गोड अन् चवदार..
🍇🍇🍇🍇
द्राक्ष बागायतदार संघाच्या अधिवेशनात सहभागी होऊन वाढवा शेतीचा गोडवा..#द्राक्ष #grapes pic.twitter.com/nUCYFFJZtb— Krushirang (@krushirang) August 26, 2022
केजरीवाल म्हणाले, की गेल्या काही दिवसांपासून सुरू आहे की त्यांनी इतके आमदार फोडले आहेत. मलाही अनेक लोकांचे फोन येत आहेत, की सर्व काही ठीक आहे, किती गेले असे विचारले जात आहे. मला या सभागृहात विश्वासदर्शक ठराव आणायचा आहे, दिल्लीच्या (Delhi) जनतेला त्यांनी निवडून दिलेले लोक चांगले आहेत हे दाखवण्यासाठी. ते कोणत्याही परिस्थितीत तुटणार नाहीत. एकही माणूस तोडला नाही. दिल्लीत आल्यानंतर भारतीय जनता पार्टीचे ऑपरेशन लोटस (Operation Lotus) हे ऑपरेशन चिखलमय झाले आहे, हे जनतेसमोर सिद्ध व्हावे यासाठी मला विश्वासदर्शक ठराव आणायचा आहे.
याआधी गुरुवारी दिल्लीच्या मुख्यमंत्र्यांनी त्यांच्या निवासस्थानी सर्व पक्षाच्या आमदारांची बैठक बोलावली होती, ज्यामध्ये 53 आमदार उपस्थित होते. उपमुख्यमंत्री मनीष सिसोदिया यांच्यासह आठ आमदार दिल्लीबाहेर असल्याने येऊ शकले नाहीत, तर आरोग्यमंत्री सत्येंद्र जैन तुरुंगात असल्याने येऊ शकले नाहीत. तथापि, बैठकीआधी, सूत्रांनी सांगितले होते की पक्षाच्या काही आमदारांशी संपर्क होऊ शकला नाही. आम आदमी पार्टीच्या काही नेत्यांनीही हे मान्य करत सर्वजण सभेला पोहोचतील, असा विश्वास व्यक्त केला. बैठकीनंतर प्रवक्ते आणि आमदार सौरभ भारद्वाज म्हणाले की, जे आमदार येऊ शकले नाहीत, त्यांनी मुख्यमंत्र्यांबरोबर फोनवर चर्चा केली आणि प्रत्येकाने शेवटच्या श्वासापर्यंत आम्ही त्यांच्यासोबत असल्याचे सांगितले.
70 जागांच्या दिल्ली विधानसभेत आम आदमी पार्टीचे 62 आमदार आहेत, तर भारतीय जनता पार्टीचे 8 आमदार आहेत. सत्येंद्र जैन सध्या तुरुंगात असून, सभापती राम निवास गोयल हे देशाबाहेर असल्याचे सांगण्यात येत आहे. सोमवारी 60 आमदार सभागृहात उपस्थित राहू शकतात, जे बहुमताच्या आकड्यापेक्षा कितीतरी जास्त आहे. या दृष्टिकोनातून सरकारवर ना कोणते संकट आले आहे ना सरकार अल्पमतात आहे. राजकीय जाणकारांच्या मते केजरीवाल यांना त्यांच्या सरकारच्या ताकदीचा संदेश विश्वासदर्शक ठरावाद्वारे द्यायचा आहे. भाजपवर ऑपरेशन लोटसचा आरोप करणाऱ्या ‘आप’ला हे दाखवायचे आहे की, उपमुख्यमंत्र्यांवर भ्रष्टाचाराचे आरोप असूनही केजरीवाल यांच्या नेतृत्वाखाली आमदारांचा विश्वास कायम आहे.
