दिल्ली : अमेरिकेने उत्तर कोरियाला पुन्हा एकदा जोरदार झटका दिला आहे. उत्तर कोरियाच्या नवीनतम आणि सर्वात मोठ्या आंतरखंडीय क्षेपणास्त्र चाचणीनंतर अमेरिकेने उत्तर कोरियाच्या शस्त्रास्त्र कार्यक्रमांशी संबंधित तीन वरिष्ठ अधिकाऱ्यांवर निर्बंध लादले आहेत. गेल्या महिन्यात उत्तर कोरियाने या क्षेपणास्त्राची चाचणी घेतली होती. 18 नोव्हेंबर रोजी झालेल्या ICBM चाचणीनंतर या अधिकाऱ्यांवर नवीन निर्बंध लादल्याची माहिती आहे. 60 हून अधिक क्षेपणास्त्रांचा रेकॉर्डब्रेक स्पॉट म्हणून यावर्षी हे क्षेपणास्त्र प्रक्षेपित करण्यात आले. अमेरिकेच्या ट्रेझरी विभागाने आपल्या निवेदनात म्हटले आहे की, जॉन इल हो हे उत्तर कोरियाच्या युद्धसामग्री उद्योग विभागाचे उपसंचालक आहेत, तर यू जिन हे त्याचे संचालक आहेत. आणि दोघांनीही उत्तर कोरियाच्या मोठ्या प्रमाणावर विनाशकारी शस्त्रे विकसित करण्यात मोठी भूमिका बजावली आहे. या देशात हुकुमशहा किन जोंग उन यांची सत्ता आहे. या हुकुमशहाच्या कारवायांमुळे अमेरिकेचे राज्यकर्ते नेहमीच काळजीत असतात. कारण, किम जोंग उन कधी काय करील याचा काहीच अंदाज नाही.
आणखी एक किम सु-गिल यांनी 2018 ते 2021 पर्यंत कोरियन पीपल्स आर्मी जनरल पॉलिटिकल ब्युरोचे संचालक म्हणून काम केले, WMD कार्यक्रमाशी संबंधित निर्णयांच्या अंमलबजावणीवर देखरेख ठेवली, असे निवेदनात म्हटले आहे. कोरिया आणि जपानच्या जवळच्या त्रिपक्षीय समन्वयाने DPRK च्या बेकायदेशीर WMD आणि बॅलिस्टिक क्षेपणास्त्र कार्यक्रमांमध्ये सर्वात मोठी भूमिका असलेल्या अधिकार्‍यांच्या विरोधात कोषागार कारवाई करत असल्याचे म्हटले आहे.
तसे पाहिले तर उत्तर कोरिया सध्या एका पाठोपाठ क्षेपणास्त्र चाचणी करत आहे. या देशावर अनेक निर्बंध याआधी टाकले गेले आहेत. मात्र त्याचा कोणताही परिणाम या देशावर झालेला नाही. या देशाला चीनचेही छुपे पाठबळ असल्याचे बोलले जात आहे. उत्तर कोरियाच्या या कारवाया मात्र जगासाठीच धोकादायक ठरू शकतात. परंतु, त्याचा विचार येथील राज्यकर्त्यांनी केल्याचे दिसत नाही.
- Read : बाबो… अमेरिकेच्या धमकीचा किम जोंगवर परिणाम नाही; ‘त्या’ निर्णयावर उत्तर कोरिया ठाम!
- चीन-कोरियामध्ये कोरोनाचे थैमान.. भारतात सापडलेत ‘इतके’ नवे रुग्ण; जाणून घ्या, महत्वाची माहिती..
