Todays Recipe : घरीच तयार करा हॉटेल स्टाइल काजू पनीर मसाला..रेसिपीही आहे एकदम सोपी..

अहमदनगर – रोज एकसारख्याच भाज्यांचा कंटाळा आला असेल तर काहीतरी स्पेशल तयार करू शकता. बाहेरचे खाद्य पदार्थ नको असतील आणि हॉटेल स्टाइल खाद्य पदार्थ तयार करायचे असतील तर आज आम्ही एक खास रेसिपी घेऊन आलो आहोत. काजू पनीर मसाला करी घरच्या घरी तयार करू शकता. एखाद्या खास प्रसंगीही तुम्ही ही भाजी तयार करू शकता. काजू पनीर मसाला ही अतिशय चविष्ट खाद्य रेसिपी आहे आणि ती बनवायलाही खूप सोपी आहे. जर तुम्ही कधीही घरी तयार केली नसेल, तर रेसिपी माहिती करुन तुम्ही ही भाजी घरी सुद्धा तयार करू शकता.

साहित्य – पनीर 250 ग्रॅम, काजू अर्धा कप, लोणी 2 चमचे, कांदा 1, अद्रक लसूण पेस्ट 1 चमचा, टोमॅटो प्युरी 2 कप, कसुरी मेथी 1 चमचा, गरम मसाला अर्धा चमचा, जिरे पावडर 1 चमचा, काजू पेस्ट 2 चमचे, क्रीम 1/4 कप, धने पावडर 1 चमचा, लाल तिखट 1 चमचा, हळद 1/2 चमचा, वेलची 2, कढीपत्ता 8-10 पाने, लवंग 4 ते 5, कोथिंबीर 2 चमचे, तेल 3 चमचे, मीठ चवीनुसार.

रेसिपी

काजू पनीर मसाला बनवण्यासाठी प्रथम पनीर घ्या आणि त्याचे तुकडे करा. यानंतर, कांदा आणि टोमॅटो देखील बारीक करून घ्या. आता कढईत तेल टाकून मध्यम आचेवर गरम करायला ठेवा. तेल गरम झाल्यावर त्यात पनीरचे तुकडे टाकून हलके तपकिरी होईपर्यंत तळा. यानंतर तळलेले पनीर एका प्लेटमध्ये काढून बाजूला ठेवा. आता त्याच तेलात काजू टाका आणि सोनेरी होईपर्यंत तळा. त्यानंतर एका भांड्यात काढून ठेवा.

आता दुसऱ्या पॅनमध्ये बटर टाकून गरम करा. बटर वितळल्यावर त्यात कढीपत्ता, लवंग, जिरे, वेलची टाकून तळून घ्या. यानंतर, मसाल्यामध्ये बारीक केलेला कांदा आणि लसूण-अद्रक पेस्ट टाका आणि सोनेरी तपकिरी होईपर्यंत तळा. यानंतर त्यात हळद, लाल तिखट, धनेपूड, गरम मसाला आणि चवीनुसार मीठ चांगले मिक्स करून घ्या.

कांदा मसाल्यातून सुगंध यायला लागल्यावर त्यात टोमॅटोची प्युरी टाका आणि काही वेळ झाकून ठेवा. सुमारे 10 मिनिटे शिजल्यानंतर त्यात काजूची पेस्ट टाका आणि ग्रेव्हीपासून तेल वेगळे होईपर्यंत शिजू द्या. त्यानंतर त्यात क्रीम टाका आणि मंद आचेवर शिजू द्या. आता ग्रेव्हीमध्ये गरजेनुसार पाणी टाकून घट्ट होईपर्यंत शिजू द्या. यानंतर, आधीच भाजलेले पनीर आणि काजू ग्रेव्हीमध्ये टाका आणि चांगले मिसळा. यानंतर पॅन झाकून 4-5 मिनिटे भाजी शिजू द्या. शेवटी भाजीत कसुरी मेथी आणि हिरवी कोथिंबीर टाका. स्वादिष्ट काजू पनीर मसाला करी तयार आहे. रोटी, नान किंवा पराठ्यासोबत सर्व्ह करा.

Recipe : नाश्त्यासाठी अशा पद्धतीने तयार करा पनीर टिक्का रोल.. आहे टेस्टी अन् हेल्दी..