काम की बात : इन्शुरन्स घेताना ‘या’ गोष्टी लक्षात ठेवाच; भविष्यातील टेन्शन होईल दूर; जाणून घ्या महत्वाची माहिती
मुंबई : आपण अनेक प्रकारचे विमा घेतो. आरोग्य विमा, जीवन विमा, मुदत विमा, कार विमा, गृह विमा आणि बरेच काही असे अनेक प्रकारचे विमा आहेत, जो एखादा त्याच्या गरजेनुसार घेतो. परंतु, अनेक वेळा हे विमा निवडताना आपण काही महत्वाच्या गोष्टींकडे दुर्लक्ष करतो. त्याचा त्रास भविष्यात सहन करावा लागतो. काही वेळा तक असे घडते, की विमा घेतल्यानंतरही तुम्हाला त्याचा लाभ मिळत नाही. कंपनीकडे क्लेम मागितल्यावर काही तांत्रिक कारणे सांगून कंपन्या जबाबदारी घेत नाहीत. अशा परिस्थितीत, आपण कोणताही विमा घेत असताना काही गोष्टींची विशेष काळजी घेणे आवश्यक आहे.
जेव्हा तुम्ही कोणत्याही प्रकारचा विमा घेत असाल, तेव्हा सर्वप्रथम त्याचा प्रीमियम आणि त्या प्रीमियममध्ये उपलब्ध असलेल्या कव्हरकडे लक्ष द्या. या बरोबरच हे देखील तपासा की त्याच प्रीमियममध्ये इतर कंपन्या आहेत का, ज्या तुम्हाला त्यापेक्षा चांगले विमा संरक्षण देत आहेत. बर्‍याच वेळा असे होते की एका कंपनीकडून विमा पॉलिसी घेतल्यानंतर, आपल्याला कळते की दुसरी कंपनी त्याच प्रीमियमसाठी अधिक चांगले संरक्षण देत आहे. विमा घेताना, वेगवेगळ्या कंपन्यांच्या पॉलिसी तपासा, त्यांचे प्रीमियम काय आहेत आणि त्या प्रीमियममध्ये तुम्हाला कोणते संरक्षण मिळणार आहे हे एकदा काळजीपूर्वक माहिती करुन घ्या.
विमा कंपन्या ऑफर करत असलेल्या कव्हरसाठी काही अटी आहेत. अटींची पूर्तता केल्यानंतरच विमाधारकाला त्याचा दावा मिळतो. यापैकी कोणतीही अट पूर्ण न केल्यास विमा कंपन्या शेवटच्या क्षणी संरक्षण देण्यास नकार देतात. अशा परिस्थितीत, तुम्ही भरलेला संपूर्ण प्रीमियम पूर्णपणे वाया जातो आणि गरजेच्या वेळी तुम्ही विम्याचा लाभ घेऊ शकत नाही. म्हणूनच जेव्हा तुम्ही विमा पॉलिसी घेत असाल, तेव्हा त्याच्या कव्हरच्या सर्व अटी काळजीपूर्वक लक्षात घ्या आणि तुम्ही त्या सर्व अटी पूर्ण करत असल्याची खात्री करा.
कोणत्याही कंपनीकडून विमा घेताना सर्वात महत्त्वाची गोष्ट लक्षात ठेवली पाहिजे ती म्हणजे तिचे क्लेम सेटलमेंट रेशो तपासणे. क्लेम सेटलमेंट रेशो हे दर्शविते की कंपनीने एका आर्थिक वर्षात किती विमाकर्त्यांचे अर्ज निकाली काढले आहेत. क्लेम सेटलमेंट रेशो जितका जास्त असेल तितका विमा कंपनीचा क्लेम रेकॉर्ड चांगला असतो. कोणत्याही कंपनीचे क्लेम सेटलमेंट रेशो 95 टक्क्यांपेक्षा कमी असल्यास, तुम्ही ताबडतोब सतर्क व्हा आणि त्यातून पॉलिसी न घेता, चांगल्या क्लेम सेटलमेंट रेशो असलेल्या इतर कोणत्याही कंपनीकडून विमा खरेदी करणे फायद्याचे ठरेल.