Online Payment: आज आपल्या देशात ऑनलाइन व्यवहारांमध्ये मोठ्या प्रमाणात वाढ होताना दिसत आहे. आज ऑनलाइन पेमेंटच्या मदतीने तुम्ही घरी बसून शॉपिंग तसेच जेवणाची व्यवस्था देखील करू शकतात.
तुम्ही ऑनलाईन पेमेंट डेबिट कार्ड, क्रेडिट कार्ड आणि UPI द्वारे सहजपणे व्यवहार करू शकता.ऑनलाइन पेमेंट करताना अनेक वेळा असे घडते की तुमचा व्यवहार फेल होतो आणि खात्यातून पैसेही कापले जातात. या लेखात आम्ही तुम्हाला जर कधी तुमच्यासोबत असं झालं तर तुम्ही पुन्हा तुमचे पैसे कसे परत मिळवणार याबद्दल माहिती देणार आहोत.
व्यवहार फेल का होतो?
ऑक्टोबर 2021 मध्ये, RBI ने डेबिट आणि क्रेडिट कार्ड वापरून आंतरराष्ट्रीय पेमेंट वेबसाइट आणि ऑटो नियमांसाठी काही सूचना जारी केल्या होत्या. त्यानुसार, जर आंतरराष्ट्रीय वेबसाइट आरबीआयच्या नियमांनुसार नसेल तर ती भारतीय डेबिट किंवा क्रेडिट कार्डमधून पेमेंट स्वीकारू शकत नाही. अशा परिस्थितीत, तुमचा व्यवहार फेल होण्याचे हे एक कारण असू शकते.
याशिवाय, काही वेबसाइट्स आहेत ज्यांवर बंधने घालण्यात आली आहेत. अशा परिस्थितीत, देशाच्या कार्डवरून पेमेंट ब्लॉक केले जाऊ शकते. त्याच वेळी, OTP समस्या, नेटवर्क किंवा इतर समस्यांमुळे पेमेंट थांबवले जाऊ शकते. ग्राहकांना फसवणुकीपासून वाचवण्यासाठी, बँक सर्व व्यवहारांना परवानगी देत नाही. संशयास्पद हालचाली आढळल्यास बँक व्यवहार थांबवू शकते.
खात्यातून पैसे कापले गेले असतील तर ते परत कसे येणार?
जर ऑनलाइन पेमेंट अयशस्वी झाले आणि बँक खात्यातून पैसे कापले गेले, तर तुम्हाला जास्त काळजी करण्याची गरज नाही. यामध्ये विशेषतः, बँक स्वतः काही वेळात खात्यातील पैसे परत करते.
बँकेला 100 रुपये दंड आकारण्यात येणार आहे
आरबीआयच्या म्हणण्यानुसार, एका आठवड्यात कामाचे 5 दिवस असतात ज्यामध्ये लोकांच्या खात्यात पैसे पाठवले जातात, जर बँकेने पाच दिवसांत पैसे पाठवले नाहीत तर ग्राहकांच्या खात्यामध्ये दररोज 100 रुपये दंडासह पैसे जमा केले जातात.
