दिल्ली – सध्या महाराष्ट्रात जे राजकीय संकट उभे राहिले आहे त्यामुळे देशातील राजकारणातही खळबळ उडाली आहे. विरोधी पक्षांचे राज्य असलेली सरकारे सतर्क झाले आहेत. कदाचित आपल्या राज्यातही अशीच परिस्थिती निर्माण होण्याच्या शक्यतेने राज्य सरकारांचे टेन्शन वाढले आहे. राजस्थानमध्ये (Rajasthan) काँग्रेस सरकार अलर्ट आहे. भाजप नेत्यांच्या वक्तव्यावरून पक्षाच्या वरिष्ठ नेत्यांची नजर राजस्थानवर असल्याचे दिसून येते. राजस्थानमध्येही महाराष्ट्रातील पॅटर्न लागू होऊ शकतो, अशी चर्चा सुरू आहे.
मुख्यमंत्री गेहलोत (Ashok Gehlot) तडजोडीतून सरकार चालवत असल्याचे राज्यातील भाजप नेत्यांचे म्हणणे आहे. सरकारच पडेल. माजी प्रदेशाध्यक्ष अरुण चतुर्वेदी म्हणाले की, काँग्रेसमध्ये (Congress) अंतर्गत संघर्ष आहे. मंत्री आणि आमदार एकत्र दिसत नाहीत. अशा परिस्थितीत काहीही होऊ शकते. राजस्थान काँग्रेसमध्ये सुरू असलेला अंतर्गत संघर्ष आपल्याला मध्यावधी निवडणुकीच्या दिशेने घेऊन जात असल्याचे चतुर्वेदी यांचे म्हणणे आहे. ज्या प्रकारे भाजप (BJP) नेत्यांची वक्तव्ये येत आहेत, त्यामुळे राज्यातील राजकारणाचा पारा वाढला आहे.
मात्र, सीएम गेहलोत यांचे निकटवर्तीय जलमंत्री महेश जोशी (Mahesh Joshi) यांनी भाजप नेत्यांवर जोरदार टीका केली आहे. नागरिक पुन्हा एकदा भाजपला उत्तर देतील असे त्यांनी म्हटले आहे. केंद्रीय मंत्री गजेंद्रसिंह शेखावत यांचे आमदार घोडेबाजाराचे प्रयत्न यशस्वी होणार नाहीत ते पुन्हा तोंडघशी पडतील, असे महेश जोशी म्हणाले. अलीकडेच भारतीय जनता पार्टीच्या आक्रोश रॅलीत केंद्रीय मंत्री गजेंद्र सिंह शेखावत यांनी सचिन पायलट (Sachin Pilot) यांचे नाव घेत मध्य प्रदेशातील (Madhya Pradesh) आमदारांच्या सरकारमध्ये झालेल्या बदलाचे उदाहरण देत पायलटकडून नियोजन फसल्याचे म्हटले होते. त्यानंतर भाजप माजी प्रदेशाध्यक्ष आणि ज्येष्ठ नेते अरुण चतुर्वेदी यांनी काँग्रेसची सद्यस्थिती पाहता राजस्थानमध्ये मध्यावधी निवडणुका (Election) होण्याची शक्यता व्यक्त केली होती.
भाजप नेते दावे करतील पण महाराष्ट्रासारखी स्थिती राजस्थानात होणे शक्य नाही, असे जाणकारांचे म्हणणे आहे. विधानसभेतील संख्याबळ काँग्रेसच्या बाजूने आहे. नुकत्याच झालेल्या राज्यसभा निवडणुकीत काँग्रेसला 126 आमदारांचा पाठिंबा मिळाला होता. काँग्रेसला 108, 13 अपक्ष, एक आरएलडी, दोन सीपीएम आणि दोन बीटीपी आमदारांसह 126 आमदारांचा पाठिंबा आहे. भाजपने काही अपक्ष आणि काँग्रेसचे नाराज आमदार फोडण्याचा प्रयत्न केला तरी महाराष्ट्रासारखी (Maharashtra) परिस्थिती निर्माण होणार नाही. विधानसभेत भाजपचे 70 आमदार आहेत. भाजप नेत्यांची वक्तव्ये गेहलोत सरकारला कमकुवत करण्याच्या रणनितीचा भाग असू शकतात.
सीएम अशोक गेहलोत हे राजस्थानच्या राजकारणातील मोठे खेळाडू मानले जातात. मध्य प्रदेश आणि कर्नाटकमध्ये राजकीय उलथापालथ करण्यात भाजपला यश आले असले तरी राजस्थानमध्ये सीएम गेहलोत यांच्या रणनितीसमोर भारतीय जनता पार्टीची राजकीय समीकरणे बिघडली. 2020 मध्ये पायलट गटाच्या बंडखोरीनंतरही सीएम गेहलोत यांनी आपले सरकार पडू दिले नाही. राज्यसभेच्या विधानसभा पोटनिवडणुकीत सीएम गेहलोत यांनी भारतीय जनता पार्टीचा पराभव केला होता.
