Adulterated Ghee : हल्ली बाजारात सर्वच वस्तूंमध्ये भेसळ केली जात आहे. भेसळयुक्त पदार्थांमुळे आरोग्याचे खूप मोठे नुकसान होते. विशेष म्हणजे तुपात देखील भेसळ केली जात आहे. जर तुम्ही भेसळयुक्त तूप खात असाल तर तुमच्या आरोग्याचे खूप नुकसान होईल.
तुपाचे प्रमाण वाढवण्यासाठी अनेकजण त्यात हानिकारक अन्नपदार्थ टाकतात. विशेष म्हणजे या भेसळयुक्त गोष्टी सहसा स्वस्त आणि सहज उपलब्ध असतात. यात वनस्पती तेल, पाम तेल या खाद्यपदार्थांचा समावेश करण्यात येतो. यामुळे बनावट तूप आरोग्यासाठी घातक ठरते. असे असल्याने तूप खरेदी करताना त्याचा दर्जा तपासा.
भेसळयुक्त तूप खाण्याचे तोटे
पचनसंस्थेवर होतो परिणाम
भेसळयुक्त तुपात हानिकारक रसायने आणि अशुद्धता असल्याने पचनसंस्थेला हानी पोहोचते. यामुळे पोटदुखी, गॅस, अपचन, जुलाब यांसारख्या समस्या निर्माण होऊ शकतात.
वाढतो हृदयरोगाचा धोका
भेसळयुक्त तुपात ट्रान्स फॅट आणि इतर हानिकारक घटक असतात, ज्यामुळे हृदयविकाराचा धोका वाढत जातो. यामुळे कोलेस्टेरॉलची पातळी वाढू शकते, ज्यामुळे हृदयविकाराचा धोका देखील वाढत जातो.
त्वचेच्या समस्या
भेसळयुक्त तूप खाल्ले तर त्वचेवर पुरळ उठणे, खाज सुटणे आणि इतर ऍलर्जी होऊ शकते. हे त्वचेसाठी वाईट ठरते.
रोगप्रतिकारकवर होतो परिणाम
भेसळयुक्त तूप खाल्ले तर शरीराची रोगप्रतिकारक शक्ती कमकुवत होते, ज्यामुळे रोगांचा धोका वाढतो.
वाढतो कर्करोगाचा धोका
अनेक वेळा भेसळयुक्त तुपात घातक रसायने आणि पदार्थांचा वापर करण्यात येतो. असे झाले तर कर्करोगाचा धोका वाढू शकतो.
यकृत आणि मूत्रपिंडांना होते इजा
भेसळयुक्त तुपात असलेले हानिकारक घटक यकृत आणि मूत्रपिंडांना हानी होते. या अवयवांच्या कार्यावर विपरित परिणाम होतो.
