7th Pay Commission: केंद्र सरकार लवकरच केंद्र कर्मचाऱ्यांना बंपर भेट देणार आहे. मिळालेल्या माहितीनुसार येत्या काही दिवसात केंद्र सरकार महागाई भत्त्यात वाढीसह फिटमेंट फॅक्टरवर नवीन अपडेट देऊ शकते. ज्याच्या बंपर फायदा पेन्शनधारकांना आणि केंद्रिय कर्मचाऱ्यांना होणार आहे.
मिळालेल्या माहितीनुसार केंद्र सरकार डीएमध्ये सुमारे 4 टक्के वाढ करण्याचा विचार करत आहे, त्यानंतर मूळ वेतनात बंपर वाढ दिसून येईल. केंद्र सरकारने डीए वाढीबाबत अधिकृतपणे काहीही सांगितले नसले तरी मीडिया रिपोर्ट्स मोठे दावे करत आहेत.
DA वाढीबाबत चांगली बातमी मिळेल
केंद्रीय कर्मचारी आणि पेन्शनधारकांना केंद्र सरकार लवकरच खुशखबर देणार आहे. सरकार या लोकांचा डीए 4 टक्क्यांनी वाढवणार आहे, त्यानंतर तो 46 टक्के होईल. त्यामुळे केंद्रीय कर्मचाऱ्यांच्या पगारात वाढ होण्याची शक्यता मानली जात आहे. सध्या डीए 42 टक्के आहे त्यात मार्च महिन्यात वाढ करण्यात आली होती.
आता जर डीए वाढवला तर त्याचे दर 1 जुलै 2023 पासून प्रभावी मानले जातील. सरकार सहामाही डीए वाढीची भेट देते ज्याचे दर 1 जानेवारी आणि 1 जुलैपासून लागू होतात. सुमारे एक कोटी कर्मचाऱ्यांना डीएचा लाभ मिळणे शक्य आहे ज्याची प्रत्येकजण आतुरतेने वाट पाहत आहे.
फिटमेंट फॅक्टर देखील वाढेल
केंद्र सरकार कर्मचारी आणि पेन्शनधारकांच्या फिटमेंट फॅक्टरमध्येही वाढ करणार आहे, त्यानंतर पगार वाढणार असल्याचे मानले जात आहे. सरकार फिटमेंट फॅक्टर 2.60 वरून 3 पट वाढवू शकते. असे झाले तर मूळ वेतनामध्ये मोठी वाढ होणार आहे.
