7 Seater Alcazar । भारतीय बाजारात लवकरच Hyundai ची 7 सीटर कार धुमाकूळ घालू शकते. कंपनीची ही कार बाजारात असणाऱ्या XUV700 ला टक्कर देईल. जाणून घेऊयात कारची किंमत आणि फीचर्स.
आता फेसलिफ्टेड अल्काझार या वर्षी सप्टेंबरमध्ये लॉन्च होणार आहे, याबाबत पुष्टी देखील झाली आहे. ही एक प्रीमियम एसयूव्ही असून जी अनेक उत्कृष्ट आणि प्रगत वैशिष्ट्यांनी सुसज्ज असणार आहे. कंपनीची ही कार एप्रिल 2021 मध्ये पहिल्यांदा लॉन्च केली होती. तेव्हापासून आजपर्यंत त्यात कोणतेही बदल केले नाहीत.
मिळेल दमदार इंजिन
लाँच करण्यापूर्वी चाचणी दरम्यान हे अनेक वेळा पाहिले गेले असून सध्याच्या अल्काझरमध्ये दोन इंजिन पर्याय देण्यात आले आहेत ज्यात 1.5L डिझेल इंजिन आणि 1.5L पेट्रोल इंजिन समाविष्ट आहे. ही दोन्ही इंजिने अतिशय परिष्कृत आहेत. हे दोन्ही इंजिन फेसलिफ्ट मॉडेलमध्येही वापरले जाणार आहे, असे सांगण्यात येत आहे. किमतीचा विचार केला तर Alcazar ची एक्स-शोरूम किंमत 16.77 लाख ते 21.28 लाख रुपये आहे. हे लक्षात घ्या की नवीन मॉडेलच्या किमतीत थोडा बदल होऊ शकतो.
नवीन मॉडेलच्या बाह्य भागामध्ये मोठे बदल पाहायला मिळतील. कारच्या बाह्य लुकमध्ये नवीन ग्रिल, नवीन हेडलॅम्प, नवीन अलॉय व्हील्स, नवीन बोनेट आणि बंपर यांचा समावेश असणार आहे.कारचे इंटीरियर अपडेट केले जाईल. विद्यमान मॉडेलच्या तुलनेत, नवीन अल्काझारमध्ये मोठा डिस्प्ले असेल जो क्लस्टरला लेव्हल 2 एडीएस आणि 360 डिग्री कॅमेरासह कनेक्ट करण्यात येईल. वाहनाच्या इंजिनमध्ये कोणतेही बदल अपेक्षित नाहीत.
