Take a fresh look at your lifestyle.

खबरदारी : हवामान बदलामुळे व्हायरल इन्फेक्शनचा धोका वाढला, `हे` चार उपाय तुम्हाला ठेवतील सुरक्षित

मुंबई : एरवी शारदीय नवरात्रीच्या प्रारंभाबरोबरच देशात थंडीचा हंगाम सुरू होतो. मात्र यंदा चित्र काहीसे वेगळे आहे. गेल्या एक-दोन आठवड्यांपासून हवामानात कमालीचा बदल होत आहे. हवामानातील या बदलामुळे येत्या काही दिवसांत उष्णतेपासून दिलासा मिळणार आहे. मात्र  आरोग्य तज्ञांच्या मते या दिवसांमध्ये लोकांना आरोग्यासाठी विशेष खबरदारी घेण्याची गरज आहे.

Advertisement

डॉक्टर सांगतात की हवामानातील हा बदल अनेक रोग आणतो. ते टाळणे आवश्यक आहे. तापमानात आता सकाळी आणि संध्याकाळी थोडी घसरण होत आहे. त्यामुळे फ्लूच्या (ताप) संसर्गामुळे लोकांचा घसा खवखवणे आणि नाक बंद होणे या गोष्टी सामान्य आहेत.

Advertisement

डॉक्टरांच्या मते, कमकुवत प्रतिकारशक्ती आणि जुनाट आजारांनी ग्रस्त लोकांना हवामानातील या बदलाविरोधात विशेष खबरदारी घेणे आवश्यक आहे. थंड हवा अनेकदा आपल्या रोगप्रतिकारक शक्तीवर परिणाम करू शकते आणि सर्दी-फ्लूची संवेदनशीलता वाढवते. हे टाळण्यासाठी उपाय करणे आवश्यक आहे. अशा चार प्रभावी उपायांबद्दल जाणून घेऊया.

Advertisement

हाताच्या स्वच्छतेची विशेष काळजी घ्या : हवामान बदलल्याने व्हायरल इन्फेक्शनचा धोका वाढतो. डॉक्टरांचे म्हणणे आहे की जर वारंवार हात धुण्याची सवय लावली गेली तर व्हायरल इन्फेक्शनचा धोका बऱ्याच प्रमाणात कमी होऊ शकतो. आपला हात इकडे तिकडे लागल्याने जंतू किंवा विषाणू हातांना चिकटतात. हात तोंड, डोळे आणि कानाजवळ आणल्यास संसर्ग शरीरात प्रवेश करू शकतो. हात धुण्याची किंवा स्वच्छता करण्याची सवय या प्रकारच्या संसर्गापासून संरक्षण करू शकते.

Advertisement

मीठाच्या पाण्याच्या गुळण्या : अभ्यासानुसार असे दिसून आले आहे की  मीठाच्या पाण्याच्या गुळण्या केल्याने वरच्या श्वसनमार्गाच्या संसर्गाचा धोका कमी होतो. तोंड आणि घशात राहणारे जीवाणू नष्ट  करण्याचा हा सर्वात प्रभावी मार्ग आहे. पाण्यात एक चिमूटभर मीठ टाकून पाणी गरम केल्याने घशाचा संसर्ग दूर होतो आणि व्हायरल इन्फेक्शन रोखण्यास मदत होते.

Advertisement

हंगामी फळे आवश्य खा : डॉक्टरांच्या मते, शरीर निरोगी ठेवण्यासाठी आणि सर्व प्रकारच्या संसर्गाचा धोका कमी करण्यासाठी, रोगप्रतिकारशक्ती वाढवणाऱ्या गोष्टींचे सेवन करणे अत्यंत आवश्यक आहे. हंगामी फळे यासाठी सर्वात प्रभावी मार्ग मानली जातात. या हंगामात केळी, डाळिंब, सफरचंद, पपई, किवी यासारख्या फळांचे सेवन केल्याने व्यक्ती हंगामी संसर्गाच्या जोखमीपासून सुरक्षित राहू शकते.

Advertisement

व्यायाम आणि झोप आवश्यक : शरीर निरोगी आणि सर्व प्रकारच्या आजारांपासून मुक्त ठेवण्यासाठी व्यायाम आणि झोप दोन्ही अत्यंत आवश्यक आहेत. शारीरिक निष्क्रियतेमुळे सर्व प्रकारच्या आजारांचा धोका वाढतो, तर झोपेचा अभाव शरीराचे आरोग्यही बिघडवू शकतो. एका अभ्यासात असे दिसून आले आहे की जे लोक नियमितपणे सौम्य व्यायाम करतात (आठवड्यातून 3-5 दिवस 45 मिनिटे व्यायाम करतात) त्यांच्यामध्ये वरच्या श्वसन रोगांशी लढण्याची क्षमता अधिक असते. त्याचवेळी दुसऱ्या अभ्यासानुसार, जे लोक प्रति रात्र 7 तासांपेक्षा जास्त झोप घेतात त्यांची रोगप्रतिकारक शक्ती चांगली असते.

Advertisement
Advertisement

Leave a Reply