Take a fresh look at your lifestyle.

केंद्र सरकारचा शेतकऱ्यांना दिलासा : यावर्षी या घटकाच्या वाढणार नाहीत किमती… अधिक अनुदानही देण्याची घोषणा

नवी दिल्ली : केंद्रीय मंत्रिमंडळाने शेतकऱ्यांसाठी दिलासादायक निर्णय घेतला आहे. केंद्र सरकार या वर्षासाठी फॉस्फेटिक आणि पोटॅशिक खतांच्या किंमती वाढविणार नाही. यासोबतच अनुदान वाढवण्याचाही निर्णय घेतला आहे.

Advertisement

आर्थिक प्रकरणांवरील कॅबिनेट समितीने संपूर्ण 2021-22 वर्षांसाठी फॉस्फेटिक आणि पोटॅश खतांचे वाढलेले दर मागे घेतले जाणार आहेत. यासह फॉस्फेटिक आणि पोटॅश खतांवरील अनुदान प्रति बॅग 438 रुपयांनी वाढवण्याचा निर्णय घेण्यात आला आहे.

Advertisement

यापूर्वी केंद्रीय मंत्रिमंडळाची महत्त्वपूर्ण बैठक झाली. या बैठकीत  फॉस्फेटिक आणि पोटॅसिक खतांसाठी अतिरिक्त 28,655 कोटी रुपयांच्या अनुदानाची घोषणा करण्यात आली.

Advertisement

केंद्र सरकारच्या अध्यक्षतेखालील आर्थिक व्यवहार मंत्रिमंडळाच्या समितीने  ऑक्टोबर, 2021 ते मार्च, 2022 या कालावधीसाठी एनपी अँड के खतांसाठी फॉस्फेटिक आणि पोटॅसिक खतांसाठी पोषण आधारित अनुदान मंजूर केले आहे. तसेच खतांच्या नवीन दरांना मंजुरीही देण्यात आली आहे.

Advertisement

एनपीके खताचा वापर पिकांच्या चांगल्या उत्पादनासाठी देखील केला जातो. फॉस्फेट आणि पोटॅश एनपीके खतामध्ये आढळतात. या अनुक्रमात केंद्र सरकारने शेतकऱ्यांच्या हिताचा एक मोठा निर्णय घेतला आहे.

Advertisement

सरकारने फॉस्फेटिक आणि पोटॅश खतांवर 28,655 कोटी रुपयांचे निव्वळ अनुदान जाहीर केले आहे. यामुळे शेतकरी रब्बी पिकांच्या पेरणीसाठी परवडणाऱ्या किमतीत खते उपलब्ध करू शकतील.

Advertisement

आता काही दिवसातच रब्बी हंगाम सुरु होणार आहे. त्यामुळे सरकारच्या या निर्णयाचा फायदा शेतकऱ्यांना होणार आहे. गेल्या काही दिवसांपासून पेट्रोल, डिझेलच्या किमती कमालीच्या वाढल्या आहेत. त्यामुळे मशागतीसह शेतकऱ्यांचा इतर खरचही वाढला आहे. त्यामुळे केंद्राने घेतलेल्या या निर्णयाचा अल्प का होईना फायदा शेतकऱ्यांना होईल.

Advertisement
Advertisement

Leave a Reply