Take a fresh look at your lifestyle.

चीनच्या कचाट्यात ‘त्यांची’ही भर; पहा कोणता डाव यशस्वी झालाय त्यांचा

दिल्ली : भारताचा मुजोर शेजारी आणि श्रीमंत बनल्यावर अवघ्या जगाची डोकेदुखी बनलेल्या चीनच्या कचाट्यात आणखी एक देश अडकला आहे. श्रीलंका, मालदीव नंतर आता आणखी एक देश चिनी ड्रॅगनच्या कर्जाच्या तावडीत घट्ट होताना दिसत आहे. मोंटेनेग्रो या छोट्या युरोपियन देशाने बेल्ट अँड रोड प्रकल्पासाठी चीनकडून घेतलेले 1 अब्ज कर्ज परतफेड करण्यात असमर्थता दर्शवली आहे. हे कर्ज एक विशाल महामार्ग तयार करण्यासाठी घेण्यात आले होते. परंतु ते पूर्ण झालेले नाही. तरीही मॉन्टेनेग्रोला संपूर्ण कर्ज परत करावे लागणार आहे. जर मॉन्टेनेग्रो हे कर्ज फेडण्यास सक्षम नसेल तर ते दिवाळखोर होईल आणि चीन आपली जमीन ताब्यात घेऊ शकेल अशी भीती अनेकांना वाटत आहे.

Advertisement

डेली मेलच्या वृत्तानुसार, मजेशीर गोष्ट म्हणजे चीनची सरकारी कंपनी चायना रोड अँड ब्रिज कॉर्पोरेशन या प्रकल्पात गुंतलेली आहे आणि ती चीनमधून बोलावलेल्या मजुरांच्या माध्यमातून पूल बांधत आहे. चीनी कंपनीने अद्याप सर्बियातील बेलग्रेडकडे जाणार्‍या 270 मैलांच्या लांब महामार्गाचा पहिला विभाग पूर्ण केलेला नाही. या महिन्यात, माँटेनेग्रो चीनच्या सरकारी बॅंकेला एक अब्ज डॉलर्सचा पहिला हप्ता परत देणार आहे. परंतु मॉन्टेनेग्रो हे कर्ज परतफेड करू शकतील की नाही हे आतापर्यंत स्पष्ट झालेले नाही.

Advertisement

सध्या मॉन्टेनेग्रोवर एकूण जीडीपीच्या दुप्पट कर्जाचे ओझे आहे. चीनशी केलेल्या कराराच्या अटींनुसार जर मॉन्टेनेग्रो अंतिम मुदतीत परतफेड पूर्ण करू शकले नाहीत तर चीनला मॉन्टेनेग्रोच्या आत जमीन ताब्यात घेण्याचा अधिकार असेल. इतकेच नाही तर मॉन्टेनेग्रोच्या माजी सरकारनेही या संपूर्ण कराराचा वाद चिनी कोर्टात निकाली काढला जाईल यावर सहमती दर्शविली आहे.

Advertisement

मॉन्टेनेग्रोचे उपपंतप्रधान अबजोविक यांनी मे महिन्यात सांगितले की, या कराराच्या अटी वाईट आहेत. हे सामान्य नाही. हे देशहिताच्या पलीकडे आहे. हा रस्ता चीनने बनवल्याबद्दल युरोपमध्ये बरीच चर्चा रंगली आहे. असे म्हटले जात आहे की आता युरोपमधील चीनचा प्रभाव वाढत आहे. वस्तुतः चीनने आपल्या महत्वाकांक्षी बेल्ट अँड रोड प्रकल्पाच्या माध्यमातून आशिया व आफ्रिकेतील गरीब देशांना कर्ज देण्याचे आमिष दाखवून त्यांची पायाभूत सुविधा सुधारण्याचे आश्वासन दिले. मात्र, काहीही काम न करता हे देश कर्जाच्या विळख्यात सापडले आहेत.

Advertisement
  • कृषीरंग | मार्केट अपडेट, शेती-मातीच्या बातम्या, लेख, माहिती आणि जगभरातील न्यूज अपडेट मिळवण्यासाठी आमचे https://t.me/krushirang हे टेलीग्राम चॅनल सबस्क्राईब करा.
  • | फेसबुक | ट्विटर | युट्युब | वरही लाईक, फॉलो, सबस्क्राईब आणि शेअर करा.

Advertisement

Leave a Reply