Take a fresh look at your lifestyle.

अर्र.. झाली की रिक्षाचीही भाडेवाढ; पहा किती रुपये द्यावे लागणार फर्स्ट स्टेजला

कोल्हापूर :

Advertisement

पेट्रोल-डीझेल दरवाढ झालेली असल्याने तब्बल चार वर्षांनी रिक्षाचालकांनी भाडेवाढ जाहीर झाली. त्यानुसार आता रिक्षाचे सुरवातीचे किमान भाडे २० वरून २२ रुपये करण्यात आले आहे. तर, प्रत्येक किलोमीटरचे भाडे १७ वरून १८ रुपये करण्यास मंजुरी मिळाली असून ही भाडेवाढ दि. १ मेपासून लागू होणार असल्याची माहिती प्रादेशिक परिवहन अधिकारी डॉ. स्टिव्हन अल्वारिस यांनी दिली आहे.

Advertisement

कोल्हापूर जिल्ह्यातील १२ हजारपेक्षा अधिक रिक्षाचालकांनी या निर्णयाचे स्वागत केले आहे. प्रादेशिक परिवहन प्राधिकरणाने एकून सर्व बाबींचा विचार करून आणि हकीम समितीच्या शिफारशीनुसार वाहनाची किंमत, घसारा, कर, विमा, दुरुस्ती देखभाल खर्च, महागाई निर्देशांक, इंधन खर्च या सर्व बाबींचा समावेश करून रिक्षाचालकां ही भाडेवाढ मंजूर केली आहे.

Advertisement

प्रादेशिक परिवहन प्राधिकरणाचे अध्यक्ष जिल्हाधिकारी दौलत देसाई, सचिव पोलिस अधीक्षक शैलेश बलकवडे, सदस्य प्रादेशिक परिवहन अधिकारी डॉ. अल्वारिस यांनी रिक्षाचालक संघटनांच्या प्रतिनिधींशी मागील आठवड्यात चर्चा केली होती. यापूर्वी २०१७ मध्ये रिक्षाभाडे वाढ झाली होती. त्यानंतर पेट्रोल, गॅसचे दर वाढले आहेत. तसेच मेंटेनन्स्‌, इन्शुरन्स हाही खर्च वाढला आहे. त्या सर्व गोष्टींचा विचार करून प्राधिकरणाने ही वाढ मंजूर केली आहे.

Advertisement

भाडेवाढ मुद्दे

Advertisement
रात्री १२ ते पहाटे ५ पर्यंत दीडपट भाडे
मीटर कॅलिब्रेशनसाठी ३१ ऑक्‍टोबरपर्यंत मुदत 
सुरवातीचे किमान भाडे २० वरून २२ रुपये
प्रत्येक किलोमीटरचे भाडे १७ वरून १८ रुपये
रिक्षाधारकांसाठी नवीन दर १ मेपासून लागू 

संपादन : विनोद सूर्यवंशी

Advertisement

कृषीरंग | मार्केट अपडेट, शेती-मातीच्या बातम्या, लेख, माहिती आणि जगभरातील न्यूज अपडेट मिळवण्यासाठी 09503219649 हा मोबाईल नंबर आपल्या गाव, मित्र व संस्थेच्या व्हाटस्अॅप ग्रुपमध्ये जोडा..

Advertisement

Advertisement

Leave a Reply