महसूलमंत्री थोरात यांचे कार्टून व्हायरल; विखेंच्या कार्यकर्त्यांनी केली धुळवड..!
अहमदनगर :
उत्तर नगर जिल्ह्यात महसूलमंत्री बाळासाहेब थोरात आणि भाजपचे ज्येष्ठ नेते राधाकृष्ण विखे पाटील यांच्यातील कुरघोडीचे डावपेच जोमात असतात. त्यांचे कार्यकर्तेही एकमेकांना किंवा नेत्यांना लक्ष्य करीत असतात. आताही धुळवडीच्या निमित्ताने विखेंच्या कार्यकर्त्यांनी थोरातांना लक्ष्य केले आहे.
थोरात यांची निळवंडे धरणाचे पाणी दुष्काळी भागाला देण्याचे उद्दिष्ट असल्याची बातमी प्रसिद्ध झालेली आहे. त्या बातमीत कालव्यासाठी यंदाच्या अर्थसंकल्पात तब्बल ४७६ कोटी रुपयांचा निधी मंजूर झाल्याचे थोरात यांनी म्हटलेले आहे. काँग्रेस पक्षाचे ज्येष्ठ नेते असलेले महसूलमंत्री थोरात हे महाविकास आघाडीमधील एक महत्वाचे नेते आहेत. यांच्यामुळे या भागातील निळवंडे कालव्याचा प्रश्न निकाली निघण्याची शक्यता आहे.
मात्र, यापूर्वीही अनेकदा या कालव्यासाठी निधी मंजूर होणार अशाच बातम्या येऊन गेलेल्या आहेत. स्थानिक राजकारणात हा महत्वाचा मुद्दा आहे. दुष्काळी तळेगाव आणि इतर भागाला दिलासा देणारी ही योजना निवडणुकीत कळीचा मुद्दा असते. त्याचमुळे विखे गटाच्या कार्यकर्त्यांनी आता हीच बातमी पाठीमागे ठेऊन पुढे महसूलमंत्री थोरात यांचा फोटो टाकून ‘कशी चाट मारली’ असे मनोमन विचार करण्याच्या पोजमधील कार्टून शेअर केले आहे.
या कार्टूनमध्ये एक कार्यकर्ता आणि थोरात साहेब हसत असून शेतकरी मात्र काहीच समजत नसल्याने प्रश्नार्थक होऊन डोक्याला हात लावीत आल्याचे दाखवलेले आहे. विखे गटाच्या अनेक कार्यकर्त्यांनी बुरा ना मनो होली है असे जोडून सोशल मिडीयामध्ये हे कार्टून व्हायरल केलेले आहे.
संपादन : सचिन मोहन चोभे
कृषीरंग | शेती-मातीच्या बातम्या आणि जगभरातील न्यूज अपडेट वाचण्यासाठी https://t.me/krushirang चॅनलमध्ये सहभागी व्हा.
- म..रे.. ‘मार्केटिंग’चा : वाचा रिब्रँडिंगच्या ट्रिक्स आणि त्यासाठी आवश्यक स्किल्सची माहिती
- ‘त्या’ प्रकरणी अॅमेझॉन व फ्लिपकार्टला नोटीस; अन्न व औषध प्रशासनाची कारवाई
- पूरग्रस्तांच्या विमा दाव्याचे ५० टक्के तातडीने मिळण्यासाठी मुख्यमंत्र्यांचे केंद्राला साकडे
- ममतादीदीचा असाही ‘खेला होबे’..! पहा आज नेमके काय करण्याची शक्यता आहे ते..
- म्हणून मोदींचा दावा जगभरात व्हायरल; कुणाल कामराचा व्हिडीओ थेट न्यूयॉर्क टाईम्सवर..!