पंतप्रधानांनी दिलेला मोफत गॅस परवडेना; शेवटी मिळाला चुलीचाच आधार..!
औरंगाबाद :
पंतप्रधान नरेंद्र मोदी यांच्या सरकारने उज्ज्वला कनेक्शन याेजनेंतर्गत घरोघरी एलपीजी गॅस वाटप केले. मात्र, आता सध्या गॅस टाकीचे भाव गगनाला भिडल्यावर तो गॅस परवडत नसल्याने महिलांना पुन्हा एकदा चुलीचाच आधार वाटत असल्याचे वास्तव आहे.
या वास्तवाला वाचा फोडण्याचे काम दैनिक दिव्य मराठी या वृत्तपत्राने केले आहे. औरंगाबाद जिल्यातील अजिंठा येथील वार्ताहर रितेश गुप्ता यांनी याबाबत विशेष वृत्त प्रसिद्ध केले आहे. ते वृत्त आहे उज्ज्वला कनेक्शन याेजनेंतर्गत ८ कोटीवे गॅस कनेक्शन देण्यात आलेल्या अजिंठ्याच्या शेख आयेशा शेख रफिक यांचे.
अजिंठ्याच्या शेख आयेशा शेख रफिक यांना ७ सप्टेंबर २०१९ राेजी पंतप्रधान नरेंद्र मोदी यांच्या हस्ते उज्ज्वला कनेक्शन देण्यात आलेले होते. मात्र, आता सिलिंडरच्या किमती गगनाला भिडल्याने आयेशा यांना चुलीचाच आधार घ्यावा लागत आहे.
गॅसचा भाव ८३२ वर गेल्याने मजुरी व भाड्याच्या घरात राहणाऱ्या शेख आयेशा यांना गॅस भरण्यासाठी पैसे नसल्याचे वास्तव आहे. गॅस सिलिंडरची दर प्रत्येक महिन्याला वाढत आहेत. आता गॅस सिलिंडर जवळपास ८३२ पर्यंत गेला. मात्र, सबसिडी फक्त ३ रुपये २६ पैसेच येत आहेत. याकडेही बातमीत लक्ष वेधले आहे.
संपादन : सचिन पाटील
- म..रे.. ‘मार्केटिंग’चा : वाचा रिब्रँडिंगच्या ट्रिक्स आणि त्यासाठी आवश्यक स्किल्सची माहिती
- ‘त्या’ प्रकरणी अॅमेझॉन व फ्लिपकार्टला नोटीस; अन्न व औषध प्रशासनाची कारवाई
- पूरग्रस्तांच्या विमा दाव्याचे ५० टक्के तातडीने मिळण्यासाठी मुख्यमंत्र्यांचे केंद्राला साकडे
- ममतादीदीचा असाही ‘खेला होबे’..! पहा आज नेमके काय करण्याची शक्यता आहे ते..
- म्हणून मोदींचा दावा जगभरात व्हायरल; कुणाल कामराचा व्हिडीओ थेट न्यूयॉर्क टाईम्सवर..!