खासदार डॉ. विखेंनी हाणला आमदार पवारांना ‘हा’ टोला; पहा नेमके काय म्हटलेय
अहमदनगर :
भाजपचे खासदार डॉ. सुजय विखे पाटील आणि राष्ट्रवादीचे आमदार रोहित पवार यांच्यामध्ये पुन्हा एकदा चकमकीला सुरुवात होण्याची शक्यता आहे. डॉ. विखे यांनीच जामखेड येथील एका कार्यक्रमातून याला सुरुवात केली आहे.
डॉ. विखे यांनी कोणाचेही नाव न घेता टीका केली आहे. मात्र, स्थानिक आमदारावर टीका म्हटल्यावर त्यांचा रोख थेट आमदार रोहित पवार यांच्यावर असल्याचे सर्वांनाच लक्षात आलेले आहे. त्यामुळे आता डॉ. विखे यांच्या टीकेला पवार काय प्रत्युत्तर देतात, याकडे सर्वांचे लक्ष लागले आहे.
डॉ. विखे म्हणाले की, राज्यातील सर्व खासदारांपेक्षा जास्त निधी केंद्र सरकारकडून दक्षिण लोकसभा मतदारसंघासाठी मिळाला आहे. हा निधी मीच आणला असूनही प्रसिद्धीचा हव्यास अजिबात केला नाही. मात्र, ‘येथील आमदार’ सांगत आहेत की, हा निधी मीच आणला. सोशल मीडियावर ते असे सांगत आहेत. जे काम त्यांनी केले नाही, निधी आणलेला नाही, त्याचे श्रेय त्यांनी अजिबात घेऊ नये. त्यामुळेच मी आता जनतेत जाऊन कोणकोणता निधी आणला हे सांगणार आहे.
खासदार डॉ. विखे आणि आमदार पवार यांच्याकडे जिल्हा बँकेच्या निवडणुकीत समझोत एक्स्प्रेस झाल्याचे म्हटले जात असतानाच कर्जत तालुक्यातील जागा विखे गटाने सहजपणे खिशात टाकली. त्यामुळे पवारांना मोठा धक्का बसला आहे. आगामी नगरपालिका व जिल्हा परिषद निवडणुकीत विखे विरुद्ध पवार गटात कोण बाजी मारणार याकडे आता सर्वांचे लक्ष लागलेले आहे.
संपादन : सचिन मोहन चोभे
कृषीरंग | ताज्या बातम्यांसाठी फॉलो करा www.krushirang.com
| डेलीहंट | फेसबुक | जिओ न्यूज एक्स्प्रेस | गुगल न्यूज | AMP | ट्विटर | व्हाट्सऍप | टेलिग्राम | सिग्नल |
मो. 9503219649 | ईमेल : krushirang@gmail.com
- फेसबूक बंद करणार लहान मुलांचे अकाऊंट..! पाहा कशामुळे घेतलाय हा निर्णय..?
- वर्षात लाखाचे 15 लाख..! गुंतवणुकदारांना ‘या’ शेअरने केलेय मालामाल.. जाणून घेण्यासाठी वाचा..!
- आता बोला..! मोदी सरकारच म्हणतेय, होय.. खाद्यतेलाचे भाव वाढलेत..! संसदेत राज्यमंत्र्यांनी काय माहिती दिली, तुम्हीच पाहा..
- मोदी सरकार पुन्हा वाढविणार गॅसची किंमत..! काॅमन मॅनचे बजेट कोलमडले, एका सिलींडरसाठी आता किती पैसे मोजावे लागणार..?
- ऑगस्टमध्ये कमी काम, करा नुसता आराम..! बॅंकांना या महिन्यात सुट्याच सुट्या, पाहा ही यादी..!