Take a fresh look at your lifestyle.

सेंद्रिय शेतीबाबत पवारांनी दिल्यात ‘त्या’ महत्वाच्या सूचना; वाचा संपूर्ण मुद्दे

मुंबई :

Advertisement

सेंद्रीय शेतीविषयक धोरणासंदर्भात यशवंतराव चव्हाण प्रतिष्ठान येथे माजी केंद्रीय कृषीमंत्री खासदार शरद पवार यांच्या अध्यक्षतेखाली बैठक झाली. यावेळी कृषीमंत्री दादाजी भुसे, सहकार व पणन मंत्री बाळासाहेब पाटील, सिंधुदूर्गचे पालकमंत्री उदय सामंत उपस्थित होते.

Advertisement

सेंद्रिय शेतमालाला बाजारपेठ मिळावी म्हणून जैविक शेती करणाऱ्या शेतकऱ्यांच्या उत्पादक कंपन्या तयार करणे व त्यांचा जैविक शेती महासंघ तयार करणे या दृष्टीने विचार करणे गरजेचे आहे. तसेच सेंद्रिय शेती करणाऱ्या शेतकऱ्यांना सर्व बँकाकडून सहकार्य मिळेल यासाठी प्रयत्न करणे गरजेचे आहे, असे पवार यांनी सांगितले.

Advertisement

शेतकऱ्यांनी प्रशिक्षणात सहभागी होवून सेंद्रिय शेतीच्या पद्धती, उत्पादक कंपनीचे व्यवस्थापन, बाजारपेठेशी सलग्न व्यवस्था निर्मिती, प्रमाणीकरण या व इतर आवश्यक बाबी आत्मसात करून घ्याव्या. त्यासाठी शासन सर्वतोपरी सहकार्य करेल. विकेल ते पिकेल या धोरणानुसार शासन प्रोत्साहन देत असल्याचे कृषीमंत्री भुसे यांनी सांगितले.

Advertisement

यावेळी उपस्थित शेतकऱ्यांनी मार्केट लिंकेज महत्वाचे असून त्यासाठी योग्य पद्धतीने प्रमाणीकरण होणे आवश्यक असल्याचे सुचवले. उत्पादित मालाच्या प्रमाणीकरणासाठी यंत्रणा निर्माण करावी. शेतकऱ्यांना प्रशिक्षण हे कोणत्याही नाविन्यपूर्ण प्रकल्पाचा अविभाज्य अंग आहे. दर्जेदार प्रशिक्षण व त्यातील सक्रिय सहभाग महत्वाचा असल्याचेही पाटील यांनी सांगितले.

Advertisement

आंब्यांची वाहतूक आणि विक्री याबाबतही सविस्तर चर्चा यावेळी करण्यात आली. सामंत यांनी यावेळी सिंधुदुर्ग जिल्ह्यात आंबा निर्यात आणि विक्री याविषयी विविध सूचना मांडल्या. शासनस्तरावर याविषयी धोरण ठरविणे गरजेचे असल्याचे त्यांनी यावेळी सांगितले.

Advertisement

बैठकीस पशुसंवर्धन व दुग्ध व्यवसाय विभागाचे प्रधान  सचिव अनुप कुमार, कृषी विभागाचे सचिव एकनाथ डवले, कृषी आयुक्त धिरज कुमार यांच्यासह राज्यातील सर्व कृषी विद्यापीठांचे कुलगुरू, सेंद्रिय शेती करणारे राज्यातील विविध भागातील शेतकरी यावेळी उपस्थित होते.

Advertisement

संपादन : सचिन पाटील  

Advertisement

कृषीरंग | ताज्या बातम्यांसाठी फॉलो करा www.krushirang.com

Advertisement

| डेलीहंट | फेसबुक | जिओ न्यूज एक्स्प्रेस | गुगल न्यूज | AMP | ट्विटर | व्हाट्सऍप | टेलिग्राम | सिग्नल | 

Advertisement

मो. 9503219649 | ईमेल : krushirang@gmail.com

Advertisement

Advertisement

Leave a Reply