पूजाप्रकरणी कोटींचे दावे; आरोप-प्रत्यारोप आणि गोंधळात गोंधळ..!

सोशल मिडीयामध्ये एक प्रभावी ओळख प्रस्थापित करून पूजा चव्हाण हिने सामाजिक-राजकीय क्षेत्रात पदार्पण केले होते. मात्र, याच तरुणीला आत्महत्येचा टोकाचा निर्णय का घ्यावा लागला याचे कोडे अवघ्या महाराष्ट्राला पडले आहे. त्यातही आता वेगवेगळे दावे-प्रतिदावे आणि बातम्या येत असल्याने याप्रकरणी गोंधळात आणखी गोंधळ वाढला आहे.

पूजाच्या आत्महत्या प्रकरणामुळे महाविकास आघाडीच्या टीमची पहिली विकेट पडली आहे. याप्रकरणी वनमंत्री संजय राठोड यांना राजीनामा देऊन पायउतार व्हावे लागले आहे. विरोधी पक्ष असलेल्या भाजपने यानिमित्ताने शिवसेवेला कोंडीत पकडले आहे. मुख्यमंत्री उद्धव ठाकरे यांना यामुळे मोठ्या राजकीय दबावाचा सामना करावा लागलेला आहे.

तसेच बंजारा समाजाने चव्हाण यांच्या बाजूने यात उडी घेतली आहे. तर, भाजपने याप्रकरणी पुणे पोलिसांच्या भूमिकेबद्दल उघड भूमिका घेतली आहे. त्यातच आता पूजाचे आई-वडील याप्रकरणी शांत असताना तिच्या चुलत आजीने उडी घेऊन आणखी चर्चेला मुद्दे दिले आहेत.

शांताबाई राठोड या आजीने म्हटले आहे की, माजी वनमंत्री संजय राठोड यांनी ५ कोटी रुपये देऊन पूजा चव्हाण हिच्या आई-वडीलांचे तोंड बंद केले आहे. तर, शांताबाई राठोड खोटे बोलत आहेत. त्यांनी बदनामी सुरु केली असून आरोपांमध्ये तथ्य नाही. त्यांनी पुरावे द्यावेत. बिनबुडाचे आरोप करु नयेत, असे पूजाचे वडील लहु चव्हाण यांनी म्हटलेले आहे.

आजीने दावा केला आहे की, आई-वडिलांना पैशासमोर स्वतःच्या मुलीची किंमत वाटत नाही, तर मी चुलत आजी कुठली कोण? पूजाच्या आई वडीलांनी समाजाची दिशाभूल तर केलीच आता मुख्यमंत्र्यांची ही दिशाभूल करत आहेत. संजय राठोड यांनी पूजाच्या आई-वडिलांना पाच कोटी रुपये देऊन त्यांचा आवाज बंद केला आहे, त्यामुळे ते संजय राठोड यांच्या विरोधात कधीही आवाज उठवणार नाहीत. आमची मुलगी आजारी होती आणि त्यानेच ती मेली असेच ते म्हणतील. हे पाच कोटी रुपये त्यांनी जमिनीत पुरून ठेवले आहेत. यावरून आता जावया-जावयात भांडण सुरू आहेत. पैशांपुढे पूजा सोबत झालेला घातपात दडपण्याचा प्रयत्न सुरू आहे.

संपादन : सचिन पाटील    

कृषीरंग | ताज्या बातम्यांसाठी फॉलो करा www.krushirang.com

| डेलीहंट | फेसबुक | जिओ न्यूज एक्स्प्रेस | गुगल न्यूज | AMP | ट्विटर | व्हाट्सऍप | टेलिग्राम | सिग्नल | 

मो. 9503219649 | ईमेल : krushirang@gmail.com

• घर सजावट आणि आरोग्य : ‘त्या’ चार झाडांची रोपे देतील ‘सुकून की निंद’..!
• NTPC मध्ये नोकरीची संधी; पहा काय आहेत नियम आणि पात्रतेच्या अटी
• मोदी सरकारने घेतले ‘ते’ महत्वाचे निर्णय; करणार ऑक्सिजन व रुग्णांच्या सोयीसाठीची तरतूद
• महाराष्ट्रात सुरू आहे ‘अशी ही पळवापळवी..’; सोमय्यांनी वेधले ‘त्या’ मुद्द्याकडे लक्ष
• आणि म्हणून पाकिस्तानने घातली फेसबुक, युट्युब, ट्विटर, व्हाटस्अपवरही बंदी; पहा नेमका काय घेतलाय निर्णय