‘राज्यपालांचा वापर जेवणातील कढीपत्त्यासारखा’ म्हणत पुन्हा शिवसेनेने केली जिव्हारी लागणारी टीका; वाचा, कशावरुन पडली ठिणगी
मुंबई :
शिवसेनेचे मुखपत्र असणार्‍या सामनाच्या अग्रलेखात आज भाजप आणि केंद्र सरकारवर निशाणा साधला. तसेच राज्यपालांनाही लक्ष्य करण्यात आले.
वाचा, नेमकं काय म्हटलं आहे सामनात :-
पुद्दुचेरीच्या नायब राज्यपाल किरण बेदी यांनी सामी यांच्या सरकारला धड काम करू दिले नाही. हे राज्य केंद्रशासित असल्याने तेथील राज्यपालांना जरा जास्तच अधिकार असतात. त्यामुळे मुख्यमंत्र्यांनी घेतलेला लोकहिताचा प्रत्येक निर्णय किरण बेदी फिरवू लागल्या.
अर्थात, दिल्लीचे आदेश असल्याशिवाय नायब राज्यपाल असे वागणार नाहीत. राज्यपाल महाराष्ट्राचे असोत नाहीतर पुद्दुचेरीचे, त्यांना दिल्लीचे आदेश पाळूनच उठाठेवी करायच्या असतात. राज्यपालांचा वापर जेवणातील कढीपत्त्यासारखा केला जातो.
किरण बेदी यांनाही कढीपत्त्याप्रमाणे वापरून फेकून दिले आहे हे महाराष्ट्रात फोडणी देणाऱ्या ‘भाज्यपालां’नी समजून घेतले पाहिजे. केंद्रीय सत्तेचा वापर करून विरोधकांची राज्यांतील सरकारे पाडायची हे सध्या काही जणांना शौर्य वगैरे वाटत असेल तर ते चूक आहे.
मध्य प्रदेशातील महाराजा शिंदे व त्यांच्या समर्थकांना फोडून, आमिषे दाखवून भाजपने बहुमत विकत घेतले. पुद्दुचेरीतही वेगळे काय घडले? पुद्दुचेरीत सध्या जे काय घडतेय हा राजकीय वेश्या व्यवसाय असल्याचा संताप मुख्यमंत्री नारायणसामी यांनी व्यक्त केलाय.
पण या वेश्या व्यवसायापासून गेल्या सत्तर वर्षांत कोणी अलिप्त राहिले आहे काय? सरकारला पाठिंबा देणाऱ्या आमदारांना फोडण्यासाठी ईडी, सीबीआय, इन्कम टॅक्स आदी यंत्रणांचा वापर केला, असा आरोप काँग्रेसच्या प्रमुख नेत्यांनी केला. महाराष्ट्रात नेमके हेच सुरू असल्याने पुद्दुचेरीत जे घडले त्यावर विश्वास ठेवावाच लागेल.
संपादन : स्वप्नील पवार
कृषीरंग | ताज्या बातम्यांसाठी फॉलो करा www.krushirang.com
| डेलीहंट | फेसबुक | जिओ न्यूज एक्स्प्रेस | गुगल न्यूज | AMP | ट्विटर | व्हाट्सऍप | टेलिग्राम | सिग्नल |
मो. 9503219649
ईमेल : krushirang@gmail.com
- बाब्बो.. एकाच महिन्यात ‘इतक्या’ रुपयांनी वाढले पेट्रोल-डिझेलचे भाव; पहा, दरवाढीचा काय होतोय परिणाम
- आता ‘या’ ठिकाणी मिळू शकेल एलपीजी गॅस; पहा, काय आहे केंद्र सरकारचा विचार..?
- टी- 20 विश्वचषक : कोण असेल विजेता भारत, पाकिस्तान की इंग्लंड? काय म्हणतोय वीरेंद्र सेहवाग
- योगासह आयुर्वेद अभ्याससुद्धा महत्वाचा : राज्यपाल भगतसिंह कोश्यारी
- तर काजू उत्पादकांना होणार फायदा; तब्बल ९० टक्के भागाचा उपयोग शक्य