पुजा चव्हाण प्रकरण : बेपत्ता मंत्री राठोड ‘अशा’ पद्धतीने येणार समोर; ‘त्यांनी’ केली घोषणा

मुंबई :

महाराष्ट्राचे राजकीय वर्तुळ सध्या अशा घटनांनी हादरले आहे, ज्या खरोखरच अत्यंत धक्कादायक आहेत. आधी मुंडे आणि आता राठोड प्रकरणामुळे महाविकास आघाडी सरकार वेगळ्या दिशेने चर्चेत आले आहे.

राज्याच्या राजकीय आणि सामाजिक पटलावर सध्या चर्चेत असलेल्या पूजा चव्हाण प्रकरणावरुन गोंधळ चालू आहे. या मृत्यूप्रकरणाला राज्याचे वनमंत्री आणि शिवसेना नेते संजय राठोड यांचे नाव जोडले जात आहे.

काही दिवसांपूर्वी राठोड हे माध्यमांसमोर येणार, असे म्हटले जात होते. मात्र अनेक गोल-गोल वळणानंतरही राठोड काही माध्यमांसमोर आलेले नाहीत. या प्रकरणातील अनेक धक्कादायक गोष्टी समोर आल्या मात्र मंत्री राठोड अद्यापही समोर आलेले नाहीत. अशातच आता एक मोठी बातमी समोर आली आहे.

आज वाशिमच्या पोहरादेवी येथे धर्मपीठावर महंतांची बैठक पार पडली. असलेले वनमंत्री संजय राठोड हे सहपरिवार 23 फेब्रुवारीला पोहरादेवी येथे धर्मपीठावर येणार आहेत. या संदर्भातील माहिती महंत जितेंद्र महाराज व सुनील महाराज यांनी आज माध्यमांशी बोलतांना दिली. यामुळे अखेर राठोड लोकांसमोर येणार आहेत. परंतू ते पूजा चव्हाण प्रकरणी काय बोलतात, याकडे सर्वांचे लक्ष लागणार आहे.

काय आहे पोहरादेवी ठिकाण आणि त्याचे वैशिष्ट्ये :-

‘बंजारा समाज बांधवांची काशी’ म्हणून या क्षेत्राची ओळख आहे. श्रीक्षेत्र पोहरादेवी हे वाशिम जिल्ह्यातील मानोरा तालुक्यात मोडते.   

या क्षेत्रातील संत सेवालाल महाराज, आई जगदंबामाता आणि राष्ट्रीय संत डॉ. रामराव महाराज यांच्या दर्शनासाठी देश विदेशातून भाविक येथे हजेरी लावतात.

संपादन : स्वप्नील पवार

कृषीरंग | ताज्या बातम्यांसाठी फॉलो करा www.krushirang.com

| डेलीहंट | फेसबुक | जिओ न्यूज एक्स्प्रेस | गुगल न्यूज | AMP | ट्विटर | व्हाट्सऍप | टेलिग्राम | सिग्नल | 

मो. 9503219649

ईमेल : krushirang@gmail.com

• कसोटी विश्वचषकासाठी विराटसेना सज्ज, अंतिम 11 जणांत ‘या’ खेळाडूंना मिळाली संधी..!
• शेतकऱ्यांसाठी खुशखबर..! ‘डीएपी’ खतावरील अनुदानात वाढ, पहा आता किती रुपयांना मिळणार हे खत..?
• आता बोला..! चीनने अमेरीकावरच केलाय प्रहार; पहा नेमके काय म्हटलेय चिनी शास्त्रज्ञांनी
• चीन खेळत आहे ‘तो’ डाव; पहा लडाख आणि तिबेटच्या भागात नेमके काय करून ठेवलेय ते
• त्यासाठी किसानपुत्रने घेतली खासदार बापट यांची भेट; पहा कोणती शेतकरी हिताची मागणी केलीय